Саха сиригэр «Боотур» этэрээт иккис бөлөҕө эргилиннэ

Share

Бүгүн «Боотур» добровольческай этэрээт иккис бөлөҕө төрөөбүт сиригэр-уотугар үктэннэ.

Этэрээт сорох дьоно Санкт-Петербуртан уонна Москваттан байыаннай госпиталлартан кэллилэр.

«Саха сирэ атын субъектары кытары хара бастакыттан тэҥҥэ анал байыаннай эпэрээссийэҕэ кыттар. Өрөспүүбүлүкэбититтэн барбыт биһиги доброволецтарбыт анал байыаннай эпэрээссийэ ыытыллар сиригэр кинилэр иннилэригэр туруоруллубут соругу чиэстээхтик толороллор«, — диэн СӨ Ил Дархана Айсен Николаев бэлиэтээн этэн турар.

Былатыан Ойуунускай аатынан аэропортка «Боотур» хорсун, хоодуот байыастарын көрсүһүү ураты долгутуулаах буолла. Кэргэттэрин, оҕолорун, аймахтарын, доҕотторун сэргэ, кинилэри Дьокуускайдааҕы кадеттар оскуолаларын үөрэнээччилэрэ, бойобуой доҕотторо, Бүтүн Арассыыйатааҕы норуодунай фронт (ОНФ) бэрэстэбиитэллэрэ уонна СӨ Ил Дархан уонна бырабыыталыстыба дьаһалтатын салайааччыта Георгий Михайлов көрүстүлэр.
«Бүгүн биһиэхэ барыбытыгар ураты долгутуулаах, үөрүүлээх күн. Дьоммут анал байыаннай эпэрээссийэ сириттэн дьиэлэригэр эргиллэн кэллилэр. Байыастар өйөбүл, тирэх баарын билэ, өйдүү сылдьалларыгар өрөспүүбүлүкэ салалтата бары кыһамньытын уурар. Дойдуларыгар кэлбит байыастарбыт бары мэдиссиинэ тэрилтэлэригэр доруобуйаларын чэбдигирдиниэхтэрэ«, — диэтэ Георгий Михайлов.

«Өрөспүүбүлүкэбит биһиэхэ көмө, тирэх буолар. Бу оҥоһуллар өйөбүлү билигин госпиталларга сытар уонна инники кэккэҕэ сылдьар дьоммут бары билэллэр, өйдүүллэр. Биһиги туох эмэ этиилээх таҕыстыбыт, ыйыттыбыт да, Москваҕа уонна Санкт-Петербурга баар Саха сирин бэрэстэбиитэлистибэтэ тута болҕомтоҕо ылар, хардарар. Билигин фроҥҥа сылдьар байыастарга Саха сирин өйөбүлэ наһаа наада. Биһиги эһэлэрбит Аҕа дойду сэриитигэр дойдуларын туһугар хайдахтаах турууласпыттарын курдук,  биһиги дойдубут туһугар эмиэ чиэстээхтик уонна дьоһуннук сулууспалыахтаахпыт. Соторутааҕыта анал байыаннай эпэрээссийэттэн Саха сиригэр эргиллэн кэлбит этэрээт төттөрү барарга бэлэм, атахпытыгар туруохпут уонна төттөрү барыахпыт«, — диир бойобуой дьайыыга эчэйиини ылбыт этэрээт хамандыырын солбуйааччы. «Боотур» сорох байыастара дойдуларыгар иэстэрин өссө да ситэ төлүү илик санаалаахтарын биллэрдилэр.

Санатан эттэххэ, «Боотур» өрөспүүбүлүкэтээҕи добровольческай этэрээти тэрийэр туһунан быһаарыы быйыл бэс ыйыгар ылыллыбыта. Сэтинньи 2 күнүгэр Дьокуускайга этэрээт личнай састааба эргиллибитэ. Оттон бу күннэргэ анал байыаннай эпэрээссийэ зонатыгар Саха сириттэн доброволецтар этэрээттэрэ көттө.

СӨ Ил Дархан уонна бырабыыталыстыба пресс-сулууспата.

Мария Васильева (СИА) хаартыскаларга түһэриитэ.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

4 часа ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

5 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

5 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

6 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

6 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

7 часов ago