Саха сиригэр борокуратуура орооһуутунан 20 тыһыынча киһи үлэ төлөбүрүгэр бырааптара чөлүгэр түстэ

Быйылгы сылга дьон үлэ төлөбүрүгэр бырааптарын тутуһууну кэтээн көрүү чэрчитинэн борокуруордар 900-тэн тахса сокуону кэһиини быһаардылар. Бу туһунан СӨ Борокуратуурата иһитиннэрэр.

Ол түмүгүнэн 880-тан тахса дьаһал миэрэтэ ылылынна. Борокуруордар ирдэбиллэринэн 209 киһи дьиссипилиинэ уонна административнай эппиэтинэскэ тардылынна.

Ыытыллыбыт үлэ, ол иһигэр былаас уонна хонтуруол уорганнарынан бииргэ үлэлээһин түмүгэр, 394 мөл. солкуобай хамнаска иэс төлөммүт. 20 тыһ. киһи үлэҕэ бырааптара чөлүгэр түспүт, ол иһигэр үөрэх эйгэтин 9,1 тыһ., олох-дьаһах уонна коммунальнай хаһаайыстыба эйгэтин 8,4 тыһ. үлэһитэ бырааптара көмүскэммит.

Чуолаан, «БФ» ХЭУо 152 үлэһитин үлэлэрин төлөбүрүн 43 мөл. солкуобайын ылары ситиспиттэр, «Илин энергетическэй систиэмэлэр» ХЭУо 54 үлэһитигэр хамнас иэһэ 5,6 мөл. солкуобай кэриҥэ сабыллыбыт, «Кыым» ХЭУо 6 үлэһитигэр борокуратуура орооһуутун кэнниттэн 1 мөл. солкуобайтан тахса хамнас иэһэ төлөммүт.

Дьон үлэҕэ бырааптарын тутуһуутун борокуратуура бэрэбиэркэлээһинэ, сокуонан салҕаналлар.