Саха сиригэр БПЛА эпэрээтэригэр үөрэтэллэр

Биһиги өрөспүүбүлүкэбитигэр Уһук Илиҥҥэ аан бастакынан БПЛА эпэрээтэригэр үөрэтэр идэ аһыллыбыта.

Гаврил Семенов, П.И. Дудкин аатынан Дьокуускайдааҕы сибээс уонна информационнай технологиялар кэллиэстэрин дириэктэрэ:

“2023 сылтан биһиги кэллиэспитигэр “БПЛА эпэрээтэрэ” диэн идэ Уһук Илиҥҥэ бастакынан киирбитэ. Судаарыстыба сакааһынан сыл аайы 25-тии оҕону ылабыт, быйыл бастакы набордар үһүс кууруска үөрэнэ сылдьаллар. Аллараа Бэстээхтэн Дьокуускайга таһаҕаһы тиэрдэр бырайыакка кыттыһабыт, элбэх тэрилтэни кытта бииргэ үлэлиибит. 2023 сыллаахха баазаны тэринии өттүгэр өрөспүүбүлүкэ күүскэ көмөлөспүтэ, 2024 сыллаахха “Стимулирование отечественного производителя” диэн РФ Үөрэҕин министиэристибэтин гранын ылбыппыт, икки саҥа лабаратыарыйа аспыппыт. Оҕолор үөрэхтэрин бүтэрдэхтэринэ, хайа баҕарар хайысхаҕа үлэлиэхтэрин сөп”.