Саха сиригэр бу сылга үктэнэн баран 4 256 оҕо төрөөбүт

Ыам ыйыгар Саха сиригэр 890 оҕо төрөөбүт: 469 уол уонна 421 кыыс. Бу сылга үктэнэн баран, барыта 4 256 оҕо күн сирин көрбүт, итинтэн 2 215 уол, 1 041 кыыс.

ЗАГС управлениетын чахчытынан, ыам ыйыгар төрөппүттэр оҕолорун ордук Тимур, Марк, Виктор, Лев, Артем уонна Эрсан диэн ааттаабыттар. Уолаттарга бу курдук сэдэх, ураты ааттары иҥэрбиттэр: Аврелий, Диомид, Иоанн, Леонард, Оскар, Уран.

Ааспыт ыйга кыргыттары Арина, Виктория, Эмилия, Амелия, Анна уонна Кэрэли диэн элбэхтик ааттаабыттар. Сэдэх ааттар испииһэктэригэр Аюми, Джой, Златояра, Одейя, Ростислава, Эйва диэн ааттар бааллар.

Бу туһунан Ил Дархан уонна Бырабыыталыстыба пресс-сулууспата суруйар.