Хаартыска: Ил Дархан уонна СӨ Бырабыыталыстыбатын пресс-сулууспата
Саха сиригэр «Саханефть» ХЭУо өйөбүлүнэн Мэҥэ Хаҥалас улууһугар саха булчут ытын төрүт боруода быһыытынан сөргүтүү бырайыага үлэтин саҕалаата.
Боруоданы талан тупсарыы үлэтин өрөспүүбүүкэтээҕи булчут ыттар бастакы быыстапкаларыгар муус устар 5-6 күннэригэр ыыттылар. Тэрээһин СӨ Булчут күнүгэр, Улуу Кыайыы 80 сылыгар уонна булчут Николай Тастыгин кэриэһигэр ананна. Ыттартан ылыллыбыт биоматырыйааллар (удьуордарын киллэрэн туран) Москваҕа Арассыыйатааҕы кинологическай Федерацияҕа ыытыахтара. Бу тэрилтэ саха булчут ытын боруодатын халыыпка (стандарт) киллэрэн бигэргэтиэҕэ уонна РФ боруоданы талан тупсарыы ситиһиитигэр киллэриэҕэ.
Саха булчут ытын боруотын сөгүтүү култуурунай уонна социальнай суолталаах. Бу саха норуотун уникальнай нэһилиэстибэтин уонна үгэс буолбут олоҕун чааһын быһыытынан биллэр. Маны таһынан, саха боруода булчут ыта тыйыс килиимэт усулуобуйатыгар бултуурга үөрүйэх.
«Саханефть» хампаанньа өрүү социальнай хайысхаҕа туһуламмыт үлэни ыытар тэрилтэнэн буолар. Айылҕа харыстабылыгар сыһыаннаах үлэни көҕүлүүр, аҕыйах ахсааннаах норуоттар төрүт норуоттар аҕа уустарын өйүүр, үөрэх уонна успуорт инфраструктуратын эйгэлэригэр инвестициялыыр. Ол курдук, былырыын бу тэрилтэ өйөбүлүнэн Өлүөхүмэ оройуонугар бизонарий аһыллыбыта. Быйыл атырдьах ыйыгар Горнай улууһунар Наача учаастагар өссө биир тирэх пууну тутуу былааннанар.
2026 сылга Саха сиригэр социальнай төлөбүрдэр 6%-нан улаатыахтара, индексация 182 тыһыынчаттан тахса киһиэхэ оҥоһуллуоҕа. Бу…
1921 сыл ахсынньы 28 күнүгэр сахалыы тыллаах “Манчаары” бастакы судаарыстыбаннай хаһыат тахсыбыта. Хаһыат бастакы нүөмэригэр…
Саха сиринээҕи Силиэстийэлиир кэмитиэтэ Өлүөнэ өрүскэ буолбут алдьархайынан — «куттал суох буолуутун ирдэбиллэригэр эппиэттээбэт өҥөнү…
Бүгүн - баскыһыанньа, сыл бүтэһик сынньалаҥ күнэ. Бу күн ураты истиҥ, чуумпу эйгэлээх буолан, сулустар…
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…