Саха сиригэр бултуурга көҥүлү биэрэн эрэллэр

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ бөрөнү бултуурга көҥүлү биэрии саҕаламмытын туһунан иһитиннэрэр.

Уопсай бултуур сирдэргэ любительскай бултааһыҥҥа анаан булт көҥүлүн  ылыы сайабылыанньата маннык көрүҥнэринэн ылыллар:

• Күн аайы судаарыстыбаннай уонна муниципальнай өҥөлөр эрэгийиэннээҕи порталларын нөҥүө электроннай сайабылыанньаны биэриинэн: https://e-yakutia.ru/#/service/1400000000160255394/info;
• СӨ Экологияҕа министиэристибэтигэр судаарыстыбаннай экологическай кэтээн көрүүтүн инспекциятыгар эбэтэр кэмитиэтигэр тиийэн биэрэҕин, хас  нэдиэлэ ахсын оптуорунньукка 9.00 чаастан киэһэ 18.00 чааска диэри, эбиэт кэмэ 13:00 чаастан 14:00 ч. диэри;
• “Мин докумуоннарым” судаарыстыбаннай уонна муниципальнай өҥөлөрү оҥорор офистарга.

Итинник тус бэйэҥ сайабылыанньаны оптуорунньукка эрэ биэрэҕин, атын күннэргэ исписэлиистэр судаарыстыбаннай уонна муниципальнай өҥөлөр эрэгийиэннээҕи порталларын: https://e-yakutia.ru/#/service/1400000000160255394/info нөҥүө киирбит сайабылыанньаларынан үлэлииллэр.

Дьокуускайга булт көҥүлүн маннык аадырыска биэрэллэр: Дьокуускай, 202 мкр., корпус 18/2, 2 этээс (Дьокуускайдааҕы судаарыстыбаннай экологическай кэтээн көрүү кэмитиэтигэр).

2024 сыл от ыйын 15 күнүттэн ууга устар, хонуу-бадараан, истиэп көтөрдөрүн легавай, ретривер, спаниель ыттарынан уонна тутан ылар көтөрдөрүнэн бултатар көҥүлү биэриигэ сайабылыанньаны ылаллар.

«Булт сезонун саҕана уочаракка турбат курдук, булт көҥүлүн ылыыга эрдэттэн сайабылыанньа биэриҥ», — диэн Экология министиэристибэтэ булчуттары ыҥырар.

Кынаттаах көтөрү бултуурга сайыҥҥы-күһүҥҥү булт болдьоҕо:

• Бадараан-хонуу көтөрдөрүгэр ( легавай, ретривер, спаниель ыттарынан уонна тутан ылар көтөрдөрүнэн бултатыы) – атырдьах ыйын 15 күнүттэн ахсынньы 31 күнүгэр диэри;
• Мас көтөрө, истиэп, хонуу көтөрө (легавай, ретривер, спаниель ыттарынан уонна тутан ылар көтөрдөрүнэн бултатыы) – атырдьах ыйын 15 күнүттэн олунньу 28 (29) күнүгэр диэри;
• Ууга устар көтөргө (легавай, ретривер, спаниель ыттарынан уонна тэбэн түһэрэр көтөрдөрүнэн бултатыы) – атырдьах ыйын иккис субуотатыттан ахсынньы 31 күнүгэр диэри);
• Бадараан-хонуу уонна ууга устар көтөрдөргө – атырдьах ыйын үһүс субуотатыттан ахсынньы 31 күнүгэр диэри;
• Истиэп уонна хонуу көтөрүгэр —  атырдьах ыйын үһүс субуотатыттан ахсынньы 31 күнүгэр диэри;
• Мас көтөрүгэр күһүҥҥү кэмҥэ: улар, куртуйах, бочугурас — атырдьах ыйын үһүс субуотатыттан ахсынньы 31 күнүгэр диэри;
• Маҥан уонна туундара курупааскытыгар —  атырдьах ыйын үһүс субуотатыттан муус устар 20 күнүгэр диэри.