Хаартыска: А.Сорокин (СИА)
Ил Дархан Айсен Николаев тохсунньу 29 күнүгэр Саха Өрөспүүбүлүкэтигэр Арассыыйа Ис дьыалаҕа министиэристибэтин кэллиэгийэтигэр 2023 сыллааҕы үлэ түмүктэрин таһаарыыга кытынна.
Ил Дархан ааспыт сыл ыам ыйыгар Арассыыйа Ис дьыалаҕа министиэристибэтин баһылыга Владимир Колокольцевы кытары көрсүһүүгэ кини өрөспүүбүлүкэҕэ балаһыанньа туруктааҕын уонна хонтуруолланарын бэлиэтээбитин санатта.
Саха сиригэр бэлиэтэммит (регистрацияламмыт) буруй ахсаана аҕыйыыр. Буруйу оҥоруу (ол иһигэр, ыарахан уонна олус ыарахан састааптаах буруйдар) таһыма Арассыыйа орто көрдөрүүтүттэн намыһах уонна Уһук Илин эрэгийиэннэрин ортолоругар эмиэ саамай аҕыйах.
Айсен Николаев 2024 сыл соруктарын туһунан кэпсэтиигэ байыаннай эпэрээссийэни уонна саансыйа ыгыытын кытары сибээстээх сааныылар кэмнэригэр нэһилиэнньэҕэ куттал суох буолуутун уонна судаарыстыба интэриэһин хааччыйыы соруга дьоһун суолталааҕынан хааларын бэлиэтээтэ. Улахан болҕомтону Куйаар ситимин туһанан оҥоһуллар буруйдары бопсорго ууруллуохтаах. Уопсастыбаҕа куттал суох буоларыгар миграция халҕаһатын хонтуруоллааһын дьоһуннаах боппуруоһунан хаалар. Онуоха Ил Дархан экстремизм ханнык да холонуутун тохтотуу наадатын ыйда.
СӨ ис дьыалаҕа миниистирэ Владимир Прокопенко эппитинэн, төһө да ыарахаттар баалларын иһин, 2023 сылга ис дьыала уорганнара туруоруллубут соруктары толордулар уонна кириминээл балаһыанньатын бигэтик хонтуруоллааһыны хааччыйдылар.
Өрөспүүбүлүкэ былааһын уорганнара Саха сирин Ис дьыалаҕа министиэристибэтин кытары ыкса сибээстээхтик үлэлииллэр. 2023 сылга “Саха Өрөспүүбүлүкэтигэр быраабы кэһиини сэрэтии” судаарыстыбаннай бырагыраама дьаһалларын олоххо киллэрэргэ 120 мөлүйүөнтэн тахса солкуобай бэриллибитэ, онтон 2024 сылга бу бырагыраамаҕа өрөспүүбүлүкэ бүддьүөтүгэр 242 мөлүйүөнтэн тахса солкуобай көрүлүннэ.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…