СӨ Ил Дархан уонна Бырабыыталыстыбатын пресс-сулууспата.
Ил Дархан Айсен Николаев Ис дьыала министиэристибэтин гражданнар бырааптарын көмүскээһиҥҥэ, буруйу оҥорууну утары охсуһууга уонна уопсастыбаннай бэрээдэги тутуһууга кэллиэгийэ мунньаҕар кыттыыны ылла.
Кини управление үлэтин биир түмүгүнэн буруйу оҥорууну арыйыы уопсай көрдөрүүтэ үрдээбитигэр министиэристибэ тус састаабыгар махтанна. Статистика көрдөрөрүнэн, Саха сирэ Уһук Илин уокуругар буруйу арыйыы ахсаанынан саамай үрдүк көрдөрүүлээх уон эрэгийиэн иһигэр киирдэ. 2024 сыл түмүгүнэн, буруйу оҥорууну арыйыы уопсай көрдөрүүтэ 56,3% тэҥнэстэ. Уһук Илиҥҥи федеральнай уокурукка — 48,4%, Арассыыйаҕа — 49,2% орто көрдөрүүнү биллэ аһарар. Өрөспүүбүлүкэ баһылыга кэлиҥҥи кэмҥэ информационнай-коммуникационнай технологиялары туһанан буруйу оҥоруу, үбү-харчыны ыраахтан уоруу ахсаана элбээн иһэринэн, бүддьүөт үбүн уорууну утары үлэҕэ, сокуоннайа суох урбааны боборго ураты болҕомтолоох үлэ эрэйиллэрин бэлиэтээтэ.
“Улуу Кыайыы 80 сыллаах үбүлүөйдээх, Аҕа дойдуну көмүскээччи уонна Ийэ дойдуну көмүскээччи сылларыгар, өрүү инники күөҥҥэ сылдьар быраабы араҥаччылыыр уорганнар судаарыстыба көмүскэлин туһугар көлүөнэлэр ситимнэрин бөҕөргөтөргө, ыччаты патриотизм тыыныгар иитиигэ холобур буолуохтара», — диэн кэллиэгийэҕэ бэлиэтээтэ Айсен Николаев.
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа сибээһи ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…