Буулдьанан ытыыга XVII «Baikal» Куубагын кыайыылаахтара билиннилэр

Дьокуускайга XVII «Baikal» Куубага — булчуттарга аналлаах сөбүлээн дьарыктанар стендовай ытыыга күрэхтэһии буолан ааста. Күрэхтэһии кыттыылаахтара Дьокуускайдааҕы «Бэргэн» ытыы-успуорт кулуубун баазатыгар «Саха-спортинг» көрүҥэр күөн көрүстүлэр. Бу «Калашников» кэнсиэрнэ Илин Сибииргэ ыыппыт бастакы күрэхтэһиитинэн буолар.

Күрэхтэһии быыһыгар ытааччылар саамай элбэх тэриэлкэни таба ытан түһэриэхтээхтэрэ. «Саха-спортинг» көрүҥэ аныгы бултка  чугас уонна хас да кэккэлэһэн көтөн тахсар сыалга ытыыны көрдөрөр. Күрэхтэһии «Булчуттар» уонна «Спортсменнар» диэн икки категориянан уонна хамаанданан ыытылынна. Ону таһынан, «Пневматика» категорията баара, онно көрөөччүлэри киллэрэн туран, бары баҕалаахтар сатабылларын тургуттулар.

Күрэхтэһии түмүгүнэн миэстэлэр маннык үллэһилиннилэр:

 «Булчуттар» категория:

• *   1 миэстэ – Василий Алексеев;
• *   2 миэстэ – Архип Скрябин;
• *   3 миэстэ – Алексей Иванов.

 «Спортсменнар» категория:

• *   1 миэстэ – Николай Кобяков;
• *   2 миэстэ – Николай Черкашин;
• *   3 миэстэ – Альберт Кузьмин.

 «Пневматика» категория:

• *   1 миэстэ – Егор Андросов;
• *   2 миэстэ – Петр Протопопов;
• *   3 миэстэ – Кэскил Дарбасова.

Хамаанданан киирсиигэ 221 сыалы табан, «Мэҥэ» хамаандата бастаата. Иккис миэстэҕэ – «Булчуттар» хамаандата 219 сыалы табан таҕыста. Уонна бастыҥнар үһүс кирбиитигэр – «Охотник» хамаандата 215 тэриэлкэни таба ытан түһэрэн таҕыста. «Калашников» кэнсиэрнэ үгэс быһыытынан «Baikal» Куубагын эрэгийиэннээҕи партнердарын кытта тэҥҥэ ыытар —  «Бадаар», «Охотник», «Егерь» уонна «Булчут» диэн түөрт булт маҕаһыына.  Кыайыылаахтар тэрийээччилэртэн сыаналаах бириистэри тутан тарҕастылар. «Булчуттар» уонна «Спортсменнар» категорияларга бастаабыттар МР-155 сааҕа сэртипикээттэри ыллылар, «Пневматика» категория кыайыылааҕа – МР-512 бинтиэпкэни, оттон үс бастыҥ хамаанда – 12 калибрдаах булт ботуруоннарын туттулар.

Үгэс быһыытынан, бары кыттааччылар ортолоругар сыаналаах бириистэр оонньоннулар, онно сүрүн бирииһинэн МР-27 булт саатыгар сэртипикээт буолла. Ону таһынан, күрэхтэһии ыалдьыттарыгар Триада-ТКО («Калашников» кэнсиэрн» АУо) саҥа оҥоһугун: араас күн-дьыл усулуобуйатыгар ытарга аналлаах бэрчээккилэри уонна үтүлүктэри билиһиннэрдилэр. Уонна үс кэмпилиэги оонньоттулар —  хас биирдии кэмпилиэккэ LXB бэрчээкки, L7B уонна L7C үтүлүктэр киирэллэр.