Саха сиригэр бүгүн эбиэккэ диэри 244044 киһи куоластаата

Бүгүн, балаҕан ыйын 10 күнүн 12:00 ч. түмүгүнэн, Саха сиригэр быыбарга куоластааһын барыллааһын дааннайынан 37,77 %, ол эбэтэр 244044 киһи куоластаата.

Үс күннээх быыбар устата саамай элбэх 74,30 % киһи куоластаабыт оройуонунан Өлөөн эбэҥки национальнай оройуона буолар. Ол кэнниттэн биэс бастыҥнар истэригэр Үөһээ Бүлүү – 64,52 %, Анаабыр национальнай (долган-эбэҥки) – 62,96 %, Горнай – 62,32 %, Уус Алдан – 56,55 % улуустара киирэллэр.