Хаартыска;СӨ Туризм уонна маркетинг сайдыытын ааҕыныстыбатын телеграм-ханаала.
Бу сыл 8 ыйын устата туристар сырыылара Биир кэлим биэдэмистибэлэр икки ардыларынааҕы информационнай-статистическай систиэмэ (ЕМИСС) суһал дааннайдарынан 184 187 киһи буолла. Бу былырыыҥҥы көрдөрүүлэри кытта тэҥнээтэххэ, (158 359 киһи) 16,3% үрдүк, – диэн www.sakha.gov.ru иһитиннэрэр.
Үлэни Саха сиригэр дойду Бэрэсидьиэнэ Владимир Путин көҕүлээбит «Тиһигин быспат уонна күрэстэһэр кыахтаах экэниэмикэ», «Туризм уонна ыалдьытымсах буолуу» национальнай бырайыактар сыалларын-соруктарын толоруу чэрчитинэн ыытыллар.
«Бүгүҥҥү күҥҥэ өрөспүүбүлүкэ сиригэр-уотугар 24 туроператор үлэлиир, 170-тан тахса туристическай бородуукта олоххо киирдэ, 106 классификацияламмыт гостиница уонна 211 дьону түмэн олордор сир баар», – диэн СӨ Урбааҥҥа, атыыга-эргиэҥҥэ уонна туризмҥа министиэристибэтигэр бэлиэтээтилэр.
Быйыл өрөспүүбүлүкэ «Туризм уонна ыалдьытымсах буолуу» национальнай бырайыагын «Нүөмэр пуондатын, инфраструктураны уонна саҥа тардар сирдэри тэрийии» диэн эрэгийиэннээҕи бырайыагын чэрчитинэн 43 урбаанньыт көҕүлээһинигэр уопсайа 25 мөлүйүөн солкуобай кээмэйдээх үбүнэн-харчынан өйөбүлү оҥордо.
Билигин Дьокуускайга 2027 сылга үлэҕэ киириэхтээх, 148 нүөмэрдээх COSMOS национальнай брендынан «түөрт сулустаах» категориялаах гостиница комплекса тутуллара былааннанар. Федеральнай куонкурус түмүгүнэн Сиинэ очуостарын «Ыллыыр таастара» экологическай маршрутун тупсаран оҥорууга 73 мөлүйүөн солкуобай тардылынна.
Урбаан министиэристибэтэ билигин урбаан дьыалатын саҕалаабыт 100 үлэтэ суох киһини арыаллыыр, ону таһынан 5-тэн 50 мөлүйүөн солкуобайга диэри үбүлээһиннээх кирэдьииккэ чэпчэтиилээх бырагырааманы оҥорор үлэни ыытар.
Бырабыыталыстыба бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев Уһук…
Саха сиринээҕи ИДьМ экэнэмиичэскэй куттал суох буолуутугар уонна коррупцияны утары охсуһар отделын үлэһиттэрэ силиэстийэлээччилэри кытта…
Дьоҕус уонна орто урбаан субъектарын ахсаана 44 тыһ. таҕыста. 2025 сыллааҕы туругунан, аччыгый уонна орто…
Дьиҥнээҕинэн туох-ханнык уларытыылар киллэриллэллэрий? Бырайыагынан СӨ Төрүт сокуонун 22-с ыстатыйатыгар өрөспүүбүлүкэҕэ босхо уонна барыларыгар тиийимтиэ…
Сотору кэлэр сыллааҕы өрөспүүбүлүкэ бүддьүөтэ ылыллаары турар. Онтон сиэттэрэн өрөспүүбүлүкэ үбүн миниистирин э.т. Иван Алексеев…
Алтынньы 14 күнүгэр Дьокуускайга уопсастыбаннай уонна бэлитиичэскэй диэйэтэл Владимир Михайлович Членов мемориальнай дуоскатыгар сибэкки дьөрбөтүн…