Саха сиригэр быйыл 2,5 тыһыынча дьиэҕэ гаас киириэҕэ

Саха сиригэр социальнай гаастааһын бырагырааматынан быйыл 2,5 тыһыынча дьиэҕэ гаас киириэҕэ. Бу туһунан быһа эпиир кэмигэр Ил Дархан Айсен Николаев иһитиннэрдэ. 

«Социальнай гаастааһын бырагыраамата үчүгэйдик үлэлээтэ. Ааспыт сылга 55 сыл устатыгар рекорд олохтонно. 2,8 тыһ. дьиэҕэ гаас тиэрдилиннэ. Быйыл тустаах сыыппара  2,5 тыһ. дьиэҕэ тэҥнэһиэҕэ», — диэтэ Айсен Николаев.