Саха сиригэр быйыл 4 тыһыынчаттан тахса ыалга ийэ хапытаалыттан ыйдааҕы төлөбүр анаммыт

Share

Ийэ хапытааллаах дьон хапытаал харчытыттан оҕо үс сааһын туолуор диэри ыйдааҕы төлөбүр оҥорторор бырааптаахтар. 2024 сыл саҕаланыаҕыттан РФ Саха сиринээҕи социальнай пуондатын салаата маннык төлөбүрү 4208 сайаапка ыыппыт киһиэхэ анаабыт. Бу туһунан ахсынньы 10 күнүнээҕи брифинг кэмигэр управляющай Марина Герман иһитиннэрдэ.

“Бу төлөбүр 3 сааһыгар диэри төрөппүт эбэтэр иитэ ылбыт оҕолоох дьоҥҥо көрүллэр. Маныаха сайабылыанньаны биэрэр кэмҥэ дьиэ кэргэн дохуотун орто кээмэйэ, эрэгийиэннээҕи тиийинэн олоруу алын кээмэйиттэн икки бүк үрдүө суохтаах. Саха сиригэр бастакы зонаҕа дьиэ кэргэн орто дохуотун икки төгүл кээмэйэ 54 602 солк. тэҥнэһэр, иккис зонаҕа – 45 734 солк. Биир оҕоҕо, оҕолорго көрүллэр эрэгийиэннээҕи алын тиийинэн олоруу кээмэйдээх босуобуйа төлөнөр. 2024 сылга бу бастакы зонаҕа 27 847 солк. тэҥнэһэр, иккис зонаҕа – 23 325 солк.” ,– диэн Марина Герман иһитиннэрдэ.

Өскөтүн дьиэ кэргэн үһүгэр диэри саастаах хас да оҕолоох буоллаҕына, ыйдааҕы төлөбүр хас биирдии оҕоҕо оҥоһуллуон сөп. Маны Судаарыстыбаннай өҥө порталынан, Арассыыйатааҕы социальнай пуонда салаатыгар эбэтэр МФЦ оҥорторуохха сөп.

Ону тэҥэ, ийэ хапытаалын олорор усулуобуйаны тупсарарга, инбэлиит оҕолор уопсастыбаҕа социальнай адаптацияланыыларыгар аналлаах табаары, өҥөнү ыларга, оҕону үөрэттэрэргэ, биир төрөппүт биэнсийэтин мунньуллар чааһыгар туһаныахха сөп.

Ону  таһынан, өскөтүн ыйыллыбыт сууманы аһара барбат суума хаалбыт түгэнигэр, биир кэмнээх 10 тыһ. солк. суумалаах төлөбүргэ сайабылыанньа суруйуохха сөп.

Ыйытыыларга РФ Саха сиринээҕи социальнай пуондатын салаатын контакт-киинэ хоруйдуур : 8 (800) 100-00-01 (босхо).

Ил Дархан уонна Бырабыыталыстыба пресс-сулууспата.

Recent Posts

  • Аҕа дойдуну көмүскээччи сыла
  • Байыаннай эпэрээссийэ
  • Үөрэх

Мэҥэ Хаҥалас улууһугар байыаннай дьайыы бэтэрээнэ патриотическай уруогу ыытта

Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…

9 минут ago
  • Сонуннар
  • Уопсастыба

Сиинэ очуостарыгар туристар саҥа маршруттара аһыллыаҕа

Сиинэ очуостарыгар туристар саҥа маршруттара аһыллыаҕа – экология ыллыгын оҥоруу бырайыагын олоххо киллэрии туһунан урбаан,…

29 минут ago
  • Сонуннар
  • Тыа хаһаайыстыбата

Субсидия тэрээһиннээх хаһаайыстыбаларга быһаччы тиийиэ

Ахсынньы 23 күнүгэр СӨ Ил Дархана Айсен Николаев Ил Түмэҥҥэ туһаайан этиитин иһиттибит. Бүлүү улууһун…

37 минут ago
  • Сонуннар
  • Спорт
  • Уопсастыба

Суут бириистэбэ «Көмүс шлем» Куубагар бастакы миэстэҕэ тигистэ

Ахсынньы 21–22 күннэригэр Омскайга Арассыыйа бастыҥ күрэсчиттэрин уонна тас дойдулартан кэлбит күүстээхтэри түмпүт панкратиоҥҥа «Көмүс…

39 минут ago
  • Сонуннар
  • Сыыппара
  • Уопсастыба

Мунньуллар биэнсийэ саҥа быраабылаларын быһаардылар

Эһиил тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕо 270 ый буолуоҕа. Маннык…

1 час ago
  • Сонуннар
  • Уопсастыба

Тиксиигэ буурҕа түһэн, оскуолалар уонна оҕо уһуйааннара сабылыннылар

Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…

1 час ago