Хаартыска: sakha.gov.ru
Быйыл Саха сиригэр 7 саҥа гибриднэй энергетическэй комплекстары (АГЭК) үлэҕэ киллэриэхтэрэ диэн СӨ ОДьКХ уонна энергетика министиэристибэтигэр иһитиннэрдилэр.
«Гибриднай электроыстаансыйа көмөтүнэн олохтоохтор чэпчэки сыаналаах, экология өттүнэн ыраас уонна бигэ эрэллээх электроэнергияны туһаныахтарын сөп. Бу ыраах сирдэринэн нэһилиэнньэ олоҕун хаачыстыбатын үрдэтэри ситиһиллэр», — диэн урут Ил Дархан Айсен Николаев бэлиэтээбитэ.
Саҥа ыстаансыйалар Томпо улууһун Тополиное, Өлүөхүмэ улууһун Саныйахтаах, Урицкай уонна Дабаан, Өймөкөөн улууһун Куйдуһун уонна Орто Балаҕан бөһүөлэктэринэн холбонуохтара.
Автоматизированнай энергияны сөргүтүүгэ үлэлиир гибриднэй комплекстар дизельнэй, күн сардаҥатынан үлэлиир электроыстаансыйалаахтар.
Хас биирдии энергокомплекс элэмиэннэрэ уматыгы кэмчилээһин саамай көдьүүстээх үлэтин хааччыйар автоматизированнай тиһиккэ холбоннулар. Комплекс уматыгы туһаныыны 30%- ҥа диэри аччатар.
2020 сылга Саха сирин Бырабыыталыстыбата уонна «РусГидро» ПАУо түһэрсибит сөбүлэһиинэн автоматизированнай гибриднэй энергокомплексы оҥорон таһаарар 72 дизельнэй электрыстаансыйаны 19 улуустарынан саҥардыыта былааннанар. Сөбүлэһии 7 млрд солк. суумаҕа чааһынай инвестиция суотугар оҥоһуллар. Билигин комплекстар Үөһээ Дьааҥы, Муома улуустарынан таһаарыылаахтык үлэлииллэр.
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариатка көспүтүн туһунан…
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…