Саха сиригэр быйыл бастакытын бизоннар төрөөтүлэр

Горнай улууһугар баар Тыымпынай  питомникка муус устар 17-18 күннэригэр быйыл бастакы бизоннар төрөөтүлэр. Бу күннэргэ үс бизон оҕото күн сирин көрбүт.

Питомник үлэһиттэрэ этэллэринэн, бизон оҕолорун туруктара этэҥҥэ, номнуо хааман эрэллэр үһү. Бу туһунан «Заповедная Якутия» диэн телеграм-ханаал суруйар.

Бизоннар төрүөхтэрэ муус устартан от ыйын ортотугар диэри буолар. Манна сыллата 30-35 бизон төрүүр.