СИА хаартыската
Саха сиригэр бырамыысыланнас оҥорон таһаарыытын кээмэйэ 2024 сыл тохсунньу-балаҕан ыйдарыгар ааспыт сыл бу кэминээҕэр 108,6% үрдээтэ.
“Таас чох салаатыгар үүнүү 1,3 быр. тэҥнэстэ – “Эльга”, “Колмар” уонна “АнтрацитИнвестПроект” хампаанньалар оҥорон таһаарыыларын түмүгэр. Гааһы хостооһун Чайаҥдатааҕы баайдаах сир суотугар 6,6%, кыһыл көмүс – Алдан, Өлүөхүмэ, Өймөкөөн оройуоннарын тэрилтэлэрин үлэлэрин түмүгэр 12,9 % үрдээтэ”, — диэтэ Саха сирин баһылыга Айсен Николаев.
Быйыл тоҕус ый түмүгүнэн 35,8 мөл туонна таас чох хостонно эбэтэр былырыыҥҥытааҕар 8,7 мөл туоннанан элбэх.
Өрөспүүбүлүкэҕэ гааһы хостооһун кээмэйэ 9 ый түмүгүнэн 15,1 млрд куб.м тэҥнэһэр. Ол 1,05 млрд кубометрынан элбэх.
Росстат көрдөрүүтүнэн, Саха сирэ эрэгийиэннээҕи баалабай бородуукта кээмэйинэн рейтиҥҥэ 17 миэстэҕэ иһэр. Өрөспүүбүлүкэ Экэниэмикэҕэ министиэристибэтин иһитиннэриитинэн, 2024 сыл тохсунньу-балаҕан ыйдарыгар эрэгийиэннээҕи баалабай бородуукта 6,6 быр. улааппыта бэлиэтэнэр, ол Арассыыйа орто көрдөрүүтүттэн үрдүк. Онно бырамыысыланнас оҥорон таһаарыыта улахан оруоллаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: СИА
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…
РФ Бэрэсидьиэнин наҕараадалааһын туһунан дьаһала Үлэҕэ ситиһиилэрин уонна уһун сыллаах үлэлэрин иһин РФ Бэрэсидьиэнин Махтала…
Былырыын 2024 сыллаахха рекорду олохтообут 752 тыһ. кв.м. олорор дьиэ тутуллубута, онон Ил Дархан былырыын…
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…