Саха сиригэр быыбардааччылар «Биир ньыгыл Арассыыйаҕа» итэҕэйэллэрин бигэргэттилэр

Балаҕан ыйын 12-14  күннэригэр өрөспүүбүлүкэҕэ  218 быыбардыыр хампаанньа ыытылынна, куоластааһын үрдүк таһымнаахтык уонна туох даҕаны улахан кэһиитэ суох ыытылынна

Муниципальнай быыбардар хаамыыларын уопсайа 1280 кэтээн көрөөччү, ол иһигэр СӨ Уопсастыбаннай балаататын 429 бэрэстэбиитэлэ кэтээбит.

Ол курдук түөрт улууска, Өлөөҥҥө, Сунтаарга, Хаҥаласка уонна Уус Алдаҥҥа улуус баһылыктарын таллылар. Уопсайынан өрөспүүбүлүкэҕэ быыбардааччылар «Биир ньыгыл Арассыыйа» баартыйаҕа итэҕэйэллэрин бигэргэттилэр. Ол курдук, сүрүн бэлитиичэскэй күүс хандьыдааттара быыбарга кыайбыттар.