Хаартыска: Людмила Попова.
Куоластааһын биир кэлим күнүгэр Халыма-Индигиир оройуоннарын олохтоохторо норуот дьокутаатын талыахтара. Ону таһынан бу күн 77 муниципальнай таһымнаах быыбардыыр хампаанньалара ыытыллыахтара.
Бу туһунан Саха сиринээҕи Киин быыбардыыра хамыыһыйата иһитиннэрэр. Ол курдук, балаҕан ыйыгар Аллайыаха, Аллараа Халыма, Өймөкөөн, Өлүөхүмэ оройуоннарын уонна «Жатай» куорат уокуругун олохтоохторо оройуон баһылыгын талыахтара.
Маны таһынан бу күн Аллайыаха, Өлүөхүмэ оройуоннарын уонна «Жатай» куорат уокуругун бэрэстэбиитэллээх уорганнарын быыбара ыытыллыаҕа. 35 куорат уонна тыа сирин нэһилиэктэригэр Сунтаар, Уус Маайа, Орто Халыма, Чурапчы, Уус Алдан баһылыктарын быыбардара буолуохтара. Ону сэргэ Абый оройуонун Белай Гора бөһүөлэгэр, Уус Маайа улууһун Уус Маайа нэһилиэгэр, Хаҥалас улууһун Сиинэ нэһилиэгэр уонна Чурапчы улууһун Хайахсыт нэһилиэгэр бэрэстэбиитэллээх уорганнарын быыбара ыытыллара күүтүллэр.
Куоластааһын биир кэлим күнүгэр бэрэстэбиитэллээх уорганнар дьокутааттарын 159 мандаата, ол иһигэр оройуон таһымыгар 53 мандаат, нэһилиэккэ 106 мандаат быһаарыллыахтара. Быыбарга 22 территориальнай быыбардыыр хамыыһыйа уонна 185 учаастактааҕы хамыыһыйа чилиэннэрэ үлэлиэхтэрэ.
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…