Саха сиригэр чахчы динозавр сымыыта көһүннэ дуо?

«Саха сиригэр чахчы динозавр сымыыта көһүннэ дуо? Бу ханнык улууска баарый? Тоҕо бу дьикти булумньу туһунан ханна да иһитиннэрии суоҕуй?, — диэн ыйытыктар социальнай ситимнэринэн тилийэ тарҕаннылар.

Дьон аймалҕанын төрүөтүнэн таас очуостарыгар сыһыары дьапталҕаламмыт, чахчы динозавр сымыыта көрүҥнээх, уһун ньолбоһох таастар хаартыскалара билиҥҥэ диэри араас  санаалары үөскэтэллэр.

Бу дьикти таастары эрдэ Саха сирин хоту сиригэр, Муома улууһун Улахан Чыыстай нэһилиэгин аттыгар булбуттара. Норуокка бу дьикти айылҕа көстүүтүн «динозавр сымыыттара» диэн ааттаабыттар уонна билиҥҥэ диэри туристар сөбүлээн сылдьар сирдэрэ буолан биллэр.

Улахан Чыыстай национальнай нэһилиэк  — Муома улууһун нэһилиэгэ, киинэ Сааһыр. Улуус кииниттэн 400 км тэйиччи илин диэкки сытар. Нэһилиэнньэтин ахсаана 750 киһи (2007 сыл).