Хаартыска: Култуура министиэристибэтэ
Алтынньы 17-31 күннэригэр Дьокуускайга нуучча улуу композитора Петр Чайковскай төрөөбүтэ 185 үбүлүөйдээх сылыгар аналлаах “Чайковский-фест. Якутск” опера-балет бэстибээлэ култуура көҕүлээһиннэригэр бэрэсидьиэн пуондатын өйөбүлүнэн тэриллиэҕэ.
Тэрийээччилэр бэлиэтииллэринэн, Саха сирэ федеральнай киинтэн ыраах сытар буолан, классическай ускуустубаҕа Арассыыйа суолталаах бэстибээллэрэ сэдэхтик буолаллар.
Мариинскай уонна Улахан тыйаатыр биллиилээх артыыстарын ыҥырыы уонна айаннарын тэрийии ороскуотун F.E.S. (Forma Energia Scaena классическай мусукаалынай ускуустубаны өйүүр пуонда (Санкт-Петербург к.) хааччыйар.
Бэстибээлгэ опера уонна балет ускуустубатын сүрүн солистара, сыана маастардара ыҥырыллан кыттыахтара. Кинилэр ортолоругар Саха Өрөспүүбүлэтин үтүөлээх артыыһа Григорий Чернецов (Санкт-Петербург) баар.
Бу бырайыак хотугу Пальмираны, дойду киин куоратын уонна Арассыыйа Арктикатын култуураҕа киинин – Дьокуускайы ситимниир.
Бэстибээлгэ кэлбит дьон «Иоланта», «Евгений Онегин» уонна «Лебединое озеро» испэктээктэргэ сүрүн партияларга опера уонна балет солистарын дуоһуйа көрүөхтэрэ.
Бэстибээл гала-кэнсиэринэн түмүктэниэҕэ.
Ону сэргэ, бэстибээл чэрчитинэн, Петр Чайковскай үлэтин, айымньыларын сырдатыахтара, үөрэх кыһаларын устудьуоннарыгар маастар-кылаастар, опера уонна балет сулустарын айар биэчэрдэрэ, экскурсиялар уонна быыстапкалар тэриллиэхтэрэ.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…