Саха сиригэр чоҕу хостооһуҥҥа саҥа рекорду олохтоотулар

2024 сыл 11 ыйын түмүгүнэн Саха сиригэр 45 мөлүйүөн туонна чох хостоммут. Бу былырыыҥҥы көрдөрүүттэн 35%-на элбэх диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

Бу рекорд Эльгатааҕы чохтоох комплексы сайыннарыы, «Колмар» хампаанньа кыамтатын үрдэтии түмүгэр ситиһилиннэ, итиэннэ олохтоох чохтоох сирдэр өрөспүүбүлүкэ ис өттүн хааччыйаннар диэн бэлиэтэнэр.

Санатан суруйдахха, «Золотой век Якутии» пуорумна СӨ бырамыысыланнаска миниистирэ Максим Терещенко чоҕу хостооһуҥҥа саҥа рекорд буолбутун туһунан кэпсээбитэ.