Хаартыска: “Амма олоҕо” хаһыат
Сайын кэлэн, күөх от үүнэн, айылҕаҕа сылдьар үчүгэйин. Бу күннэргэ Саха сирин үрдүнэн дьон-сэргэ бастакы сир аһын хомуйууну саҕалаатылар. Амма улууһун Эмис нэһилиэгин ытык олохтоохторо эмиэ күөх сирэмҥэ тахса сырыттылар. Бу туһунан “Амма олоҕо” хаһыат суруйар.
Сайын саҕаланаатын бастакы сир аһын хомуйа хонууга тахсабыт. Ол курдук, күөх хонууга үүнэр чучунаах луугу хомуйан, тууһаан, хаһаанан сорохтор ырааттылар. Билигин көрдөххө, луук үргүүргэ оруобуна кэмэ буолбут. Эмис нэһилиэгин ытык олохтоохторо, сэрии сылын оҕолоро 89 сааһын туолаары сылдьар Октябрина Дмитриевна Захарова оҕолорун, аймахтарын кытта күөх луугу үргээн хаһаанна. Кинилэр дойдуларыгар, сыллата манна таптаан үүнэр чучунаах луугу үргээн, айылҕаҕа сылдьан астынан киирдилэр. Балта буоста сибээһин бэтэрээнэ, сэрии сылын оҕото, аны күһүн 88 сааһын туолар Вера Дмитриевна Захарова, дьүөгэлэрэ, от ыйыгар 89 сааһын туолуохтаах Екатерина Николаевна Солдатова эмиэ сир ийэ биэрэр битэмииннээх аһын үөрэ-көтө хомуйдулар, бэркэ сэргэхсийэн сонуннарын үллэһиннилэр.
Үгүс уопуттаах дьон этэллэринэн, луугу көннөрү кырбаан, тууһаан баран сөрүүн сиргэ ууран кэбиспэккэ, салапааннарга эбэтэр киэҥ айахтаах быласымаас бытыылкаларга кырбаан уган, тоҥорон кэбиһэр ордук. Тууһаабыт лууккун сибиэһэйдии сиир эмиэ бэрт минньигэс буолар. Аҕам саастаах дьоммут курдук хорсуннук, сэргэхтик олоруҥ, сир аһыттан сөбүгэр хаһаанан хаалыҥ.
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…