Хаартыска: sakha.gov.ru
Саха сиригэр тохсунньу ыйга «Тымныы полюһа — Өймөкөөн» экстремальнай марафон буолан ааста. Марафоҥҥа 50-ча спортсмен кытынна. Кыттааччылар -50С кыраадыс тымныыга 42 км сүүрдүлэр.
Бу аан дойду үрдүнэн саамай тымныы сүүрүү буолла, уратыта диэн марафон дистанцията Өймөкөөн сэлиэнньэтиттэн Томтор сэлиэнньэтигэр диэри усталаах. Ол сылдьан киинэ дьоруойа олохтоох дьону, култуураларын уонна төрүт үгэстэрин кытта билистэ.
«Арааһа, бу сүүрүүгэ киһи өйдөөн хаалбыта диэн Саха сирин тыйыс тымныыта уонна айылҕата. Кыһынын Саха сирин тыата, хонуута, суола-ииһэ дьикти кэрэ дьүһүннэнэр. Маны таһынан саха сылгыта сөхтөрдө. Дьэ, уонна, биллэн турар, төрүт олохтоохтор — «итии сүрэхтээх» дьон», — диир марафон кыттыылааҕа Дмитрий Панов. Ааспыт сезоҥҥа Дмитрий Панов ыт көлүүрүгэр «Берингия. Авача» диэн киинэни уһулбута. Ол кэннэ «Кыһыҥҥы айан» номинацияҕа иккис миэстэни ылбыта.
«Дальний Восток – земля приключений» куонкурус РФ Бырабыыталыстыбатын Бэрэссэдээтэлин солбуйааччы Юрий Трутнев көҕүлээһининэн Уһук Илин экэнэмиичэскэй пуорумтан саҕаламмыта.
Бырайыак РФ Бэрэсидьиэнин Уһук Илиҥҥэ боломуочуйалаах бэрэстэбиитэлин аппараатын, Арассыыйа сайдыытын министиэристибэтин, «Уһук Илин уонна Арктика сайдыытын корпорацията» АХ уонна «Социальнай көҕүлээһиннэри сайыннарыы пуондата» НКИК өйөбүллэринэн олоххо киллэриллэр.
Куонкурус кыттыылаахтара үс номинацияҕа күрэхтэһэллэр: сатыы айан, уунан айан уонна кыһыҥҥы айан — эрэгийиэннэр туристическай кыахтарын арыйаллар. Уһук Илин устун айан иһин бастыҥ видео бирииһин пуондата — 3 мөлүйүөн солкуобай, итини таһынан 1 мөлүйүөн солкуобай — номинация кыайыылааҕар туттарыллар. Анал эрэгийиэннэҕи наҕараадалар эмиэ туттарыллаллар.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…