Саха сиригэр демобилизацияламмыт байыастары диспансеризациялааһын салҕанар

Өрөспүүбүлүкэҕэ байыаннай дьайыы демобилизацияламмыт кыттыылаахтарын олорор сирдэринэн мэдиссиинэ тэрилтэлэригэр диспансеризациялааһын уонна мэдиссиинискэй көрүү ыытыллар. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.

“Бу үлэ нэһилиэнньэни диспансеризациялааһыҥҥа кыттар судаарыстыбаннайа суох мэдиссиинэ тэрилтэлэригэр нэдиэлэ хас субуотатын аайы ыытыллар”, — диэтэ кини.

Бүгүҥҥү туругунан, олорор дьиэлэригэр гааһы киллэриигэ 220 ыалга материальанй көмө оҥоһулунна. Байыаннай сулууспалаах 747 төрөппүтэ сонотуоруйга эмтэниигэ көмө ылла. Байыаннай сулууспалаах эмтэнэр сиригэр барыыга 554 киһиэхэ өйөбүл оҥоһулунна.

Байыаннай дьайыы 1507 кыттыылааҕа уонна дьиэ кэргэттэрин 2796 чилиэнэ доруобуйа харыстабылын уонна социальнай хааччыйыы тэрилтэлэригэр чөлүгэр түһэриини аастылар. 516 киһи дьиэлэригэр уонна стационар аҥаардаах көрүҥүнэн социальнай көмөнөн туһаннылар.

Нэһилиэнньэ дьарыктаах буолуутун киинигэр үлэ көрдөһө 1033 киһи сылдьыбыт, ол иһигэр байыаннай дьайыы 393 кыттыылааҕа уонна дьиэ кэргэттэрин 640 чилиэнэ.