Саха сиригэр дьиэ кэргэн пиэрмэлэрин өйөөһүҥҥэ 90 мөл. солк. көрүллүөҕэ

Бэс ыйын 24 күнүттэн от ыйын 24 күнүгэр диэри  «электроннай бүддьүөт» тиһигэр агробырамыысыланнай комплекс тутаах хайысхаларын уонна дьоҕус хаһаайыстыбаларын сайдыыларын өйөөһүҥҥэ (дьиэ кэргэн пиэрмэлэрин сайыннарыы) субсидия быһыытынан граннары биэриигэ куонкурус ыытыллар.

Быйыл дьиэ кэргэн пиэрмэлэрин сайыннарыыга федеральнай уонна өрөспүүбүлүкэтээҕи бүддьүөттэн 90 мөл. солк. көрүллүбүтэ. Грант кээмэйэ — 5 мөл. солк., муҥутаан — 30 мөл. солк.

Куонкуруска кыттарга биир булгуччулаах усулуобуйанан бырайыак уопсай сыанатын 30 %- тан итэҕэһэ суох суумалаах үп-харчы киллэриитэ буолар. Грант үбүн суотугар көрүллэр ороскуота 70%-нын ылар. Докумуоннар электроннайдык бу сигэнэн ылыллаллар: https://promote.budget.gov.ru/public/minfin/selection/view/927c130d-961e-4721-94a5-b6cde1484c5b?showBackButton=true&competitionType=0

Сайаапкалары сыаналааһын болдьоҕо от ыйын 25 күнүттэн атырдьах ыйын 5 күнүгэр  диэри ыытыллыаҕа. Куонкурус кыттыылаахтара хамыыһыйа иннигэр бырайыактарын көмүскүөхтэрэ. Кыайыылаахтары атырдьах ыйын 5 күнүгэр диэри биллэриллиэхтэрэ.