Саха сиригэр дьиэ таһынааҕы 14 учаастагы тупсарыахтара

Share

Саха сирэ 2024 сылга дьиэ таһынааҕы 14 учаастагы тупсарарга эбии үбү ылыаҕа. Үп  “1000 тиэргэн” бырагыраама чэрчитинэн Дьокуускай куорат уонна өрөспүүбүлүкэ дьоҕус куораттарын эбийиэктэригэр бэриллэр.

Маннык быһаарыы РФ бырабыыталыстыбатын  бэрэссэдээтэлэ – Уһук Илиҥҥэ РФ Бэрэсидьиэнин  боломуочуйалаах бэрэстэбиитэлэ Юрий Трутнев  салайбыт Уһук Илин социальнай-экэнэмиичэскэй  сайдыытын боппуруостарыгар бырабыыталыстыба  хамыыһыйатын президиумун түмүктэринэн ылылынна.

«Бу бырагырааманы дьон олус сэргиир, сэҥээрэр. Ол иһин, бырагырааманы салҕыы олоххо киллэриэхпит, Уһук Илин сирин-уотун бэрээдэктиэхпит. Үп сорҕото социальнай уонна инженернэй эбийиэктэри саҥардыыга туттуллуоҕа. Барыта итинник 1600-тэн тахса эбийиэк тутулунна уонна бэрээдэктэннэ”, — диэн Юрий Трутнев мунньаҕы саҕалаата.

Хаартыска: Ил Дархан пресс-сулууспата

Мунньахха кыттыбыт Саха сирин бырабыыталыстыбатын бэрэссэдээтэлэ Кирилл Бычков иһитиннэрбитинэн, Саха сиригэр дьиэ таһынааҕы 14 учаастакка дьоҕус пааркалары тупсарыы уонна тэрийии былааннанар. Өрөспүүбүлүкэ муниципалитеттарыгар үбү-харчыны ыларга сайаапкалары бэлэмнээһин үлэтэ барар.

Айсен Николаев дьиэ таһыгар тупсаҕай оҥоһуулаах учаастактар баар буолаллара дьон олоҕун хаачыстыбатын дьиҥ-чахчы тупсарарга көмөлөһөрүн туһунан бэлиэтээн эппитэ. Итинник былаһааккалары тутарга бырайыагы олохтоохтору кытары сөбүлэһиннэрэллэр, кинилэр этиилэрэ уонна баҕалара учуоттанар.

Былырыын  Саха сирэ “Уһук Илиҥҥэ 1000 тиэргэн” бырагырааманы олоххо киллэрэргэ  846 мөлүйүөн солкуобайы ылбыта. 37 куоракка уонна сэлиэнньэлэргэ 124 тиэргэн уонна дьоҕус паарка тупсарыллыбыта. 2023 сылга 61 учаастагы уонна дьоҕус паарканы тупсарыы былааннанар, онуоха 429 мөлүйүөн солкуобай көрүллүбүтэ.

СӨ Ил Дарханын уонна бырабыыталыстыбатын пресс-сулууспата

Recent Posts

  • Сонуннар
  • Уопсастыба

Бүгүн икки улууска быстах кэмҥэ уоту араарыахтара

Бүгүн, атырдьах ыйын 31  күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…

23 минуты ago
  • Интэриэһинэй
  • Сонуннар

Күннээҕи гороскоп: атырдьах ыйын 31 күнэ

Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…

52 минуты ago
  • Сонуннар
  • Сүрүн

Атырдьах ыйын 31 күнэ: быстах ардах, туман, хаһыҥ, күнүс +25°С

Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн  быстах…

2 часа ago
  • Сонуннар
  • Чэгиэн

Ыарыыны сыһыаралларыгар сөбүлэһэр курдук…

Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…

13 часов ago
  • Сонуннар
  • Уопсастыба

Саха гимназиятыгар «Дьокуускай — Донецкай» телемост буолла

Бүгүн, атырдьах ыйын 30 күнүгэр,  Дьокуускай куоракка Саха гимназиятыгар  уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…

13 часов ago
  • Сонуннар
  • Уопсастыба

Өймөкөөн Сордоҥнооҕор «Быйаҥ» оҕо лааҕырыгар оҕону үлэнэн иитэллэр

Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…

14 часов ago