Хаартыска СӨ Бырабыыталыстыбатын пресс-сулууспатыттан
СӨ Бырабыыталыстыбатын бэрэссэдээтэлэ Кирилл Бычков Саха сиринээҕи мэдиссиинэ информационнай-аналитическай киин үлэтин сүрүннүүр сүбэ мунньаҕы ыытта.
«Саха сирин доруобуйатын харыстабылын иннигэр үлэни тупсарыы уонна дьон электроннай өҥөнөн туһаныыларыгар кыаҕы үрдэтии соруга турар», — диэн премьер бэлиэтээтэ. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
Саха сирин доруобуйа харыстабылын информационнай-техническэй инфраструктурата биир кэлим цифровой контурга түмүлүннэ. Уопсайа 44 мэдиссиинэ тэрилтэтэ холбонно, онтон 20-тэ куорат уонна 24-дэ оройуоннааҕы. Саҥа лабораториялар чинчийии биир кэлим архыыбыгар холбонон, «Мин доруобуйам» биирдиилээн киһи тус кэбиниэтигэр быһа тиийэр буоллулар. Телемэдиссиинэ нөҥүө ыытыллар консультациялар ахсааннара элбээтэ, ол иһигэр Арктика оройуоннарыгар эмтэниигэ суһал мэдиссиинэ көмөтүн ыларга кыах үөскээтэ.
«Саха сиригэр электроннай өҥөнү киллэриигэ үлэ салгыы барыаҕа. Сүрүн болҕомто өрөспүүбүлүкэ бары олохтоохторугар мэдиссиинэнэн хааччыйыы хаачыстыбатын үрдэтиигэ, ыраах уонна уустук суоллаах-иистээх оройуоннарга ураты болҕомто ууруллуоҕа. Барыбыыталыстыба «Новые технологии здоровья» диэн саҥа национальнай бырайыагы олоххо киллэрэн эрэр, ол сыалынан биомэдиссиинэ уонна сэрэтэр үлэ технологиятын сайыннарыы буолуоҕа. Өрөспүүбүлүкэ саҥа национальнай бырайыак чэрчитинэн цифровой сервистэри олоххо киллэриигэ уонна суһал көмөнү оҥоруу тиһигин тупсарыыны салгыы ыытыаҕа», – диэтэ Кирилл Бычков.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…