Андрей Сорокин хаартыската, СИА.
Чөл олоҕу тутуһуу култууратын сайыннарыы туһунан Дьокуускайга Бүтүн Арассыыйатааҕы научнай-практическай кэмпириэнсийэ буолан ааста.
“Социология уонна доруобуйа харыстыбылыгар тэрээһин үлэтэ: наука уонна быраактыка” диэн ааттаах тэрээһиҥҥэ федеральнай эспиэрдэр кытыннылар. Ил Дархан Айсен Николаев доруобуйа харыстабылыгар олус улахан үлэ ыытылларын – мэдиссиинискэй инфраструктура, үгүс улууска ФАП-тар, Арктическай оройуоннарга балыыһа бөдөҥ комплекстара тутуллубуттарын, каадырдары бэлэмнииллэрин, мэдиссиинискэй өҥө үлэтэ саҥа технологиянан саҥардылларын бэлиэтээтэ.
Н. А. Лопаткин аатынан Урология уонна интервенционнай радиология научнай институтун дириэктэрэ, РФ Уопсастыбаннай балаататын чилиэнэ, РФ Доруобуйа харыстабылын репродукция доруобуйатыгар штаты таһынан кылаабынай исписэлииһэ, профессор Олег Аполихин бэйэтин этиниитигэр “кылаабынайа, ыарыыны эрдэттэн сэрэтэр үлэни ыытыахха наада. Эмчиттэр киһини күһэйбэккэ, доруобуйатын бэйэтэ харыстанарыгар көмөлөһөр соруктаахпыт” диэн санаатын тиэртэ. Кини үлэлиир эр дьон доруобуйатын харыстыырга анал бырайыагы киллэриэххэ наадатын ыйда.
Доруобуйа туругун бөҕөргөтүүгэ туһуламмыт үлэлээх Арассыыйатааҕы ассоциация салайааччыта Татьяна Шестакова Ил Дархан Айсен Николаевка “Доруобай куораттар, оройуоннар уонна бөһүөлэктэр” дойду таһымнаах хамсааһыҥҥа көхтөөх кыттыыны ыларыгар махталын биллэрдэ.
Маны таһынан, эспиэрдэр оҕо уонна ийэ доруобуйатын харыстааһыҥҥа үгүс түмүктээх үлэ барарын, кэккэ кэскиллээх бырайыак олоххо киирэрин бэлиэтээтилэр.
Федеральнай эспиэрдэр Саха сирин олохтоохторун доруобуйаларын харыстыбылыгар өрөспүүбүлүкэ салалтата ураты болҕомтотун уурарын бэлиэтээтилэр.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…