Хаартыска: СИА
Саха сиригэр «Уопсастыбаннай доруобуйаны бөҕөргөтүү» 30 муниципальнай бырагыраама олоххо киллэриллэр.
2020 сылтан «2020-2024 сылларга Саха сиригэр уопсастыбаннай доруобуйаны бөҕөргөтүү» эрэгийиэннээҕи бырагыырама үлэлиир. Докумуон чөл олоҕу тутуһууга, киһи доруобуйатыгар буортулаах уонна кутталлаах дьайыылары иһитиннэриигэ, киһи доруобуйатыгар эппиэтинэстээх сыһыаны үөскэтиигэ, куһаҕан дьаллыктартан аккаастаныыга төрүөт буолар.
Ил Дархан Айсен Николаев «О стратегических направлениях укрепления общественного здоровья и системы здравоохранения в Республике Саха (Якутия)» Ыйааҕынан муниципальнай тэриллиилэрэ 100% «Уопсастыбаннай доруобуйаны бөҕөргөтүү» муниципальнай бырагыраамалары үлэлэтиэхтэрэ.
Өрөспүүбүлүкэтээҕи доруобуйа уонна мэдииссинэ профилактикатын киинин исписэлиистэрин методическай өйөөһүҥҥэ билиҥҥитэ 30 муниципальнай бырагыраама оҥоһулунна уонна уопсастыбаннай доруобуйаны бөҕөргөтүү бырагыраамата бигэргэннэ. Маннык бырагыраамалар Абый, Алдан, Аллайыаха, Амма, Анаабыр, Үөһээ Бүлүү, Үөһээ Бүлүү, Үөһээ Халыма, Бүлүү, Эдьигээн, Кэбээйи, Мииринэй, Мэҥэ Хаҥалас, Нам, Аллараа Халыма, Өймөкөөн, Сунтаар, Уус Маайа, Усуйаана, Чурапчы, Усуйаана, Эбээн Бытантай улуустарыгар, Жатайга уонна Дьокуускай куоракка бааллар. Ити уопсай көрдөрүүтүн 83%-гар тэҥнэһэр.
Нерюнгри, Хаҥалас, Горнай, Өлүөхүмэ, Ленскэй, Булуҥ улуустарыгар муниципальнай бырагыраамалар уопсастыбаннай доруобуйаны бөҕөргөтүүгэ оҥоһуллаллар.
2023 сыл түмүгүнэн уопсастыбаннай доруобуйаны бөҕөргөтүү муниципальнай бырагыраамаларын олоххо киллэриигэ бастыҥнарынан Дьокуускай, Жатай, Үөһээ Бүлүү уонна Мииринэй улуустара билиннилэр.
СӨ Ил Дарханын уонна Бырабыыталыстыбатын пресс-сулууспата
Быйыл сайыҥҥы сезон саҕаланыаҕыттан Дьокуускайга 37 киһи клещтэн эмсэҕэлээтэ. Бу былырыыҥҥытааҕар 1,7 төгүлүнэн (22) элбэх.…
Бу күннэргэ Дьокуускайга стендовай ытыы «Спортинг-компакт» көрүҥэр чөмпүйэнээт аһыллыыта буолан ааста. Чөмпүйэнээккэ уопсайа 67 спортсмен 12…
Саха сирин баһылыга Айсен Николаев өрөспүүбүлүкэ Бырабыыталыстыбатын уонна дьаһалтатын кытта планернай мунньах ыытан, кэккэ соруктары…
Аан дойдуну атыйахтаах уу курдук аймаабыт II Аан дойду сэриитин Кыайыытын 80 сыла. Хас биирдии…
Бүгүн Ытык Таатта сиригэр XXII Манчаары оонньуулара саҕаланаллар. Таатталар бары бу тэрээһин үрдүк таһымҥа ааһарын…
Ааспыт өрөбүл күннэргэ Дьокуускайга 19 суол быһылаана тахсан, 7 киһи араас эчэйиини ылла. Бэс ыйын…