Саха сиригэр дуобат бэстибээлэ буолар

Киин куоракка өрөспүүбүлүкэ саахымат-дуобат киинигэр  алтынньы 4-5 күннэригэр нуучча уонна сүүс харахтаах дуобакка өрөспүүбүлүкэтээҕи дуобат бэстибээлэ буолуоҕа.

Саха сирин Успуорка министиэристибэтэ иһитиннэрбитинэн, дуобаты таптааччы ким баҕарар кыттыан сөп – сааһынан уонна успуорка разрядынан хааччахтаммат. Турнир түмүгүнэн  III, II, I спортивнай разрядтары уонна успуорт маастарыгар хандьыдаат нуорматын толоруохха сөп.

Бэстибээл сыл ахсын 1980-с сыллартан ыытыллар уонна баай устуоруйалаах. Манна, үгэс курдук, 150-ча дуобатчыт кыттар. Күрэхтэһии кылаабынай судьуйатынан Владимир Иванов буолар.

Тэрээһин СӨ Физическэй култуураҕа уонна успуорка министиэристибэтин Биир кэлим халандаарыгар киирбитэ.

Бэстибээл бырагыраамата

Алтынньы 4 күнэ (субуота) 09:00 – 10:00 — регистрация

10:00 — күрэхтэһии аһыллыыта

10:30 – 13:00 — сүүс харахтаах дуобакка турнир

14:00 – 19:00 — сүүс харахтаах дуобакка турнир (4–9 туур)

Алтынньы 5 күнэ (баскыһыанньа)

10:00 – 14:30 — нуучча дуобатыгар турнир  (1–9 туур)

15:00 — бэстибээли сабыы, наҕараадалааһын.

Сиһилии: https://www.sakha.gov.ru/news/13044