Үөрэх үлэһиттэрин Тохсунньутааҕы мунньаҕын иитинэн, орто анал үөрэх 23 тэрилтэтин 500-тэн тахса педагога уонна устудьуона тохсунньу 31 — олунньу 3 күннэригэр эдэр педагогтары уһуйарга сыһыаннаах өрөспүүбүлүкэтээҕи пуорумҥа кытталлар.
“Педагогтарбыт маастарыстыбаларын үрдэтэн, үөрэх хаачыстыбатын тупсарыах тустаахпыт. Уһуйуу уонна бастыҥ уопут бу хайысхаҕа уопсай үлэни күүһүрдүөхтээхтэр. Уопуттаах кэллиэгэ өйөбүлэ уонна холобура идэҕэ сатабыл үрдээһинигэр эрэ суолталаах буолбатах, эдэр педагог личность быһыытынан, гражданскай көрүүлээх уонна эппиэтинэстээх буоларыгар улахан суолталаах”, — диэн Ил Дархан Айсен Николаев Тохсунньутааҕы мунньах кыттыылаахтарыгар туһаайыытыгар бэлиэтээтэ.
Интерактивнай үлэ сэттэ былаһаакканан маннык хайысханан барар: “Адаптация”, “Үөрэх хаамыыта”, “Үөрэҕи таһынан дьарык”, “Идэҕэ маастарыстыба”, “Биисинэс. Бэйэ дьарыга”, “Сыыппараҕа кырааматынас”, “Устудьуоннар бэйэни салайыныылара”.
Бырагыраамаҕа дьарыктар (практикум), дискуссионнай былаһааккалар, “Идэни биэрэр үөрэх тэрилтэлэригэр уһуйуу систиэмэтин тэрийии” идэ таһымын үрдэтэр куурустар киирэллэр.
Ону тэҥэ, үөрэнээччилэргэ “PRO успех” мотивационнай былаһаакка үлэлиэҕэ, онтон педагогтарга – уопут атастаһар, маастар-кылаастары, трениннэри ыытар “Уһуйуу бастыҥ быраактыката” тэрээһин.
Пуорум түмгүнэн кыттааччылар бэйэлэрин бырайыактарын көмүскүөхтэрэ. Бырайыактары эспиэрдэр хамыыһыйалара сыаналыаҕа. Бу туһунан Ил Дархан уонна Бырабыыталыстыба пресс-сулууспата суруйар.
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…
Нейросеть Дьыл Оҕуһун оҥордо диэн ЯкутияDaily иһитиннэрэр: https://t.me/yakutiadaily/45038