Нам улууһун дьаһалтатын пресс-сулууспата
Сэтинньи 13 күнүгэр Саха Өрөспүүбүлүкэтин Бочуоттаах гражданина, биллиилээх судаарыстыбаннай уонна уопсастыбаннай диэйэтэл Егор Михайлович Ларионов төрөөбүтэ 85 сыллаах үбүлүөйдээх күнү бэлиэтиир тэрээһиннэри ыытыыга өрөспүүбүлүкэтээҕи тэрийэр хамыыһыйа мунньаҕа буолла.
Мунньах видеосибээһинэн ыытылынна. Суолталаах тэрээһини СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов иилээн-саҕалаан ыытта. Нам улууһуттан мунньахха баһылык Юрий Слепцов уонна улуустааҕы дьокутааттар Сэбиэттэрин бэрэссэдээтэлэ Алексей Винокуров кыттыыны ыллылар, диэн Нам улууһун дьаһалтатын пресс-сулууспата суруйар.
Дьүүллэһии кэмигэр Георгий Михайлов үбүлүөй сүрүн тэрээһиннэригэр болҕомтону уурда. Ол курдук, ахсынньы 4 күнүгэр Дьокуускайга А.С. Пушкин аатынан Судаарыстыбаннай академическай нуучча тыйаатырыгар уопсастыбаннас үөрүүлээх мунньаҕа ыытыллыаҕа. Онно Нам улууһуттан Юрий Слепцов салайааччылаах 100 киһилээх дэлэгээссийэ кыттара былааннанар.
Ахсынньы 9 күнүгэр сүрүн тэрээһиннэр Егор Ларионов төрөөбүт дойдутугар, Нам улууһугар, буолуохтара. М.К. Аммосов аатынан култуура уонна духуобунай сайдыы дыбарыаһыгар үгэс буолбут «Ларионовскай ааҕыылары» кытта дьүөрэлээн, уопсастыбаннас мунньаҕа тэриллиэҕэ. Үбүлүөйдээх тэрээһиннэри үрдүк таһымҥа ыытарга бары үлэ ыытылларын бэлиэтээтилэр.
Егор Михайлович Ларионов – Саха АССР Үрдүкү Сэбиэтин XII ыҥырыылаах норуот дьокутаата уонна бэрэссэдээтэлин солбуйааччыта, Ил Түмэн I уонна II ыҥырыылаах норуот дьокутаата, Өрөспүүбүлүкэ балаататын бастакы бэрэссэдээтэлэ, СӨ норуотун хаһаайыстыбатын үтүөлээх үлэһитэ, М.К. Аммосов аатынан Судаарыстыбаннай бириэмийэ лауреата, Сунтаар уонна Нам улуустарын, Саха Өрөспүүбүлүкэтин Бочуоттаах гражданина.
Дмитрий Коркин аатынан эр дьон ортотугар XVI норуоттар икки ардыларынааҕы көҥүл тустуу турнира сэтинньи 15-16…
Силиэстийэҕэ чопчуламмытынан, оройуонааҕы киин балыыһатын кылаабынай бырааһын бирикээһинэн, Элдьикээн бөһүөлэгин бырааһын амбулаториятыгар терапевт быраас суоҕунан…
СӨ Ил Дархана Айсен Николаев РФ Генеральнай борокуруорун солбуйааччыта Сергей Зайцевы кытта оробуочай мунньаҕы ыытта.…
Нам улууһуттан күрэсчит Иннокентий Окоемов гиирэ успуордугар аан дойдутааҕы турнир чөмпүйүөнүнэн буолла. Сэтинньи 10-12 күннэригэр…
Дьон олоҕун атыйахтаах уулуу аймаабыт, 1941-1945 сыллааҕы Иккис Аан дойдутааҕы сэриитин төлө тарпыт фашистскай Германия…
Бүгүн, сэтинньи 14 күнүгэр, саха литэрэтиирэтин уонна драматургиятын төрүттээччи, бэйиэт, прозаик Анемподист Софронов-Алампа төрөөбүт күнүгэр,…