Хаартыска: АЛРОСА пресс-сулууспата
Саха Өрөспүүбүлүкэтин Үүнэр көлүөнэ тус сыаллаах пуондата АЛРОСА өйөбүлүнэн экологияны сырдатыыга уонна оҕону иитиигэ “ЭкоШаг” куонкуруһу ыытар. Куонкуруска муниципальнай үөрэх тэрилтэлэрэ: уһуйааннар, оскуолалар, эбии үөрэхтээһин тэрилтэлэрэ кыттыахтарын сөп.
АЛРОСА Үүнэр көлүөнэ тус сыаллаах пуондатын кытары уруккуттан бииргэ үлэлэһэр. Бииргэ үлэлээһиннэрэ алмаастаах хампаанньа аһымал санааланыы үлэтигэр биир киэҥ хабааннаах хайысханан буолар. АЛРОСА биэрэр тус сыаллаах үбүн көмөтүнэн өрөспүүбүлүкэҕэ барытыгар араас социальнай эбийиэктэр; уһуйааннар, оскуолалар, балыыһалар, доруобуйаны чөлүгэр түһэрэр кииннэр, успуорт эбийиэктэрэ тутуллаллар уонна саҥардыллаллар. Ону таһынан элбэх тэрээһин, ол иһигэр үөрэх уонна экология хайысхалаах, олоххо киллэриллэр. Онтон биирдэстэрэ – “ЭкоШаг” куонкурус.
«“ЭкоШаг” куонкурус үөрэх тэрилтэлэрэ айар үлэлэригэр көхтөөх буолалларыгар уонна экологияны сырдатыыга, оҕолору иитиигэ кылааттарын киллэрэллэригэр улахан кыаҕы биэрэр. Биһиги кинилэр сонун санаалара уонна бырайыактара оҕолорго экология култууратыгар уонна тулалыыр эйгэҕэ эппиэтинэстээх сыһыаннаһарыгар көмөлөһөллөрүгэр эрэнэбит”, — диэн СӨ Үүнэр көлүөнэ тус сыаллаах пуондатын генеральнай дириэктэрэ Владимир Егоров иһитиннэрдэ.
«Экопросвещение» – оскуола иннинээҕи уонна оскуолаҕа үөрэнэр саастаах оҕолорго экологияны сырдатарга хайысхаланар дьаһаллары, ол иһигэр чинчийэр үлэ көмөтүнэн, тэрийии уонна ыытыы;
«Эковолонтерство» – уопсай үөрэхтээһин уонна оскуола иннинэээҕи саастаах оҕолор тэрилтэлэрин иитиллээччилэрин кытыннаран, волонтердар көҕүлээһиннэрин сайыннарыы;
«Экотуризм» – экология маршруттарын тупсарарга эбэтэр саҥа оҥорорго көҕүлээһиннэри өйөөһүн;
«Чистые берега» – ууну харыстааһыҥҥа, чинчийиигэ уонна көмүскээһиҥҥэ аналлаах тэрээһиннэри ыытыы;
Куонкуруска кыттарга түөрт хайысхаттан бииригэр бырайыагы бэлэмнэниллэр. Тэрилтэ туһунан кылгас иһитиннэрии оҥоруохха, хамаанданы билиһиннэриэххэ, бырайыагы суруйуохха, халандаарынан былааны уонна симиэтэни оҥоруохха наада. Куонкурус хамыыһыйата бырайыактары анал ирдэбиллэринэн сыаналыаҕа. Холобур, бырайыак суолтатын, сыалын-соругун, көдьүүһүн, дьиҥ чахчы наадалааҕын уонна бырайыак түмүктэри ситиһэр кыаҕын, бырайыак төһө олохтооҕун көрүөхтэрэ.
Үүнэр көлүөнэ тус сыаллаах пуондатын тус сыаллаах бырагыраамаларга управлениетын начаалынньыга Сардаана Попова эппитинэн, бырайыакка киллэриллэр кыһалҕа статистика чахчыларынан бигэргэтиллибит буолуохтаах. Холобур, тупсаҕай оҥоһуулаах искибиэрдэр суохтара эбэтэр тиийбэттэрэ, уулаах сир кытыла киртийиитэ уо.д.а.
Куонкуруска сайаапкалар алтынньы 11- сэтинньи 19 күннэригэр туттарыллар, онтон сэтинньи 20-ахсынньы 10 күннэригэр бырайыактары сүүмэрдиэхтэрэ, кыайыылаахтар быһаарыллыахтара уонна куонкурус түмүктэрэ таһаарыллыахтара. Куонкуруска киирбит бырайыактары олоххо киллэрии болдьоҕо – 2024 сыл тохсунньу 9 күнүттэн сэтинньи 30 күнүгэр диэри. Бырайыакка Грант суумата 200 тыһыынча солкуобайга диэри буолар.
Сайаапка форматын уонна куонкурус балаһыанньатын сиһилии пуонда fondyakutia.ru сайтыгар билсиҥ.
Андрей ШИЛОВ
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…