сахагов
Экстракорпоральнай ууһатыы (ЭКО) процедуратын көмөтүнэн Саха сиригэр былырыын 52 кырачаан күн сирин көрдө.
“2024 сылга Саха сиригэр маннык ньыманан 300 процедура оҥоһулунна. Тэҥнээн кэпсээтэххэ, 2013 сылга бу сыыппара – 60 процедура. Өрөспүүбүлүкэҕэ бу мэдиссиинэ аныгы технологиятын туһаныы түмүгэр ЭКО ахсаана эрэ буолбакка, көдьүүһэ эмиэ үрдээтэ. Бу көрдөрүү кэнники сылларга 30 % тахсаҕа тэҥнэһэр. ЭКО көмөтүнэн Саха сиригэр 52 оҕо төрөөтө”, — диэн Саха сирин Доруобуйа харыстабылыгар министиэристибэтэ иһитиннэрэр.
Маннык процедуралары өрөспүүбүлүкэ Перинатальнай киинигэр өссө 2001 сыллаахха саҕалаабыттара. Саха сирэ Уһук Илин эрэгийиэннэриттэн биир бастакынан бу ньыманы туһаммыта.
Өрөспүүбүлүкэтээҕи 1 №-дээх балыыһа – М.Е.Николаев аатынан Мэдиссиинэ Национальнай киинэ тустаах процедуралар былааннаах кээмэйдэрин элбэтэн иһэллэр.
Саҥа национальнай бырайыактар чэрчилэринэн Саха сирин быраастара ЭКО 350 процедуратын былааннаабыттара. Кэнники 2 ый устата хайы-үйэ 50-ча оҥоһулунна.
“ЭКО иннинэ дьахталлар туохтан кыайан оҕо үөскээбэтин быһаартарар туһугар олорор сирдэринэн дьахтар консультациятыгар чинчийиини ааһаллар. Ол кэннэ Перинатальнай киин көмөлтө репродуктивнай технологияларга отделениетыгар барарга направление ылаллар. Быраастар ЭКО-ны оҥорорго тута быһаарыы ылымматтар. 30 % түгэҥҥэ эрэ ЭКО-ны ыытыы сүбэлэнэр. Сыл ахсын кыайан оҕо үөскүүр кыаҕа суох дьахталлар ахсааннара элбэн иһэр, ол иһин экстракорпоральнай ууһатыы ньыматынан процедуралар ахсааннарын элбэтэр сорук турар”, — диэтэ доруобуйа харыстабылын миниистирин солбуйааччы Татьяна Павлова.
ЭКО-ны ыытыы “Дьиэ кэргэн” саҥа национальнай бырайыагын тэрээһиннэригэр киирбитэ туһалаах буолуоҕа. 2013 сылтан ЭКО ОМС полиһынан босхо оҥоһуллар өҥөлөргө киирбитэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…