Хаартыска: www.sakha.gov.ru
Элбэх хайысхалаах (функциялаах) павильон, Уһук Илин уокурукка киинэ технологическай соҕотох киининэн буолуоҕа. Онно Арассыыйаҕа саамай улахан киинэ виртуальнай павильона олохтонуоҕа. Бу туһунан Ил Дархан Айсен Николаев Петербурдааҕы норуоттар икки ардыларынааҕы экэнэмиичэскэй пуорум “Кинопроизводство в Арктике: диалог природы и технологий” былаһааккаҕа буолбут сиэссийэҕэ эттэ.
“Дьокуускай маастар-былаанын олоххо киллэрии иитинэн, ону бэрэсидьиэҥҥэ көмүскүөхпүт диэн эрэллээхпин, аныгы виртуальнай устууну оҥорорго Арассыыйаҕа саамай улахан саалалаах киинэ аныгы павильонун тутар былааннаахпыт. Оччотугар биһиги киинэни сылы эргиччи устар кыахтаныахпыт. Киинэни устар кэммит кылгас буолан, бу Саха сиригэр улахан суолталаах. Бу курдук аныгы киинэ павильона биһиги кинематографтарбыт өрөспүүбүлүкэ экэниэмикэтин туспа салаатынан буолалларыгар кыаҕы биэриэҕэ”, — диэн Айсен Николаев эттэ.
Ил Дархан бэлиэтээбитинэн, судаарыстыбабыт аан дойдутааҕы Арктикаҕа култуурата чорбойоругар уонна циркумполярнай эйгэҕэ Арассыыйа култууратын куодун үрдэтэригэр, Саха сирин уопута уонна кыаҕа хотугу норуоттар төрүт култуураларын, идэлэрин оннунан хаалларыы, сайыннарыы киинин быһыытынан суолталаах.
«Кинопроизводство в Арктике: диалог природы и технологий» сиэссийэ сүрүн тиэмэлэринэн “Арктикаҕа киинэни оҥоруу туруктаах буолуута”, хааччыстыбалаах киинэни уонна айылҕаны харыстааһын икки ардылара, киинэни устарга хорумньуну оҥорууну аччатыы уонна толуйуу миэрэлэрэ, о.д.а. буоллулар.
Спикердэр ортолоругар айанньыт, блогер, продюсер, “Легенда китобоев” киинэ режиссера Богдан Булычев, Мурманскай уобалас губернаторын солбуйааччыта Елена Дягилева, режиссер Степан Коршунов, «Территория» киинэ продюсера Антон Мельник, «Арктикуголь» судаарыстыбаннай салаа холбоһугун генеральнай дириэктэрин эбээһинэһин толорооччу Ильдар Неверов, уо.д.а. бааллар.
2019 сыллаахха Саха сирэ дойду эрэгийиннэриттэн аан бастакынан креативнай экэниэмикэни сайыннарыы эрэгийиэннээҕи нуорма-быраап аактатын – 2025 сылга диэри креативнай экэниэмикэни сайыннарыы кэнсиэпсийэтин оҥорбута.
2022 сыллаахха “СӨ кинематографияны судаарыстыбаттан өйөөһүн туһунан” өрөспүүбүлүкэ сокуона ылыллыбыта.
Быйыл олунньу 27 күнүгэр киинэ индустриятын, анимацияны уонна Саха сиринээҕи цифровой контены оҥоруутун сайыннарыы саҥа кэнсиэпсийэтэ бигэргэннэ.
Саха сирин көҕүлээһининэн Уһук Илиҥҥи федеральнай уокурук киинэҕэ хамыыһыйата тэриллибитэ. Бу Арассыыйаҕа бастакы уопут буолар.
Дьокуускайга “Үлэ кыбартаала” креативнай кластер тутуллубута. Сүрүн хайысхалара — киинэ, анимация, медиа, цифровой контент уонна дизайн. Кластерга 70 резидент баар.
Ил Дархан уонна Бырабыыталыстыба пресс-сулууспата.
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…