Андрей Сорокин, ЯСИА
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана Айсен Николаев Дьокуускайдааҕы онкологическай кииҥҥэ сырыытын кэмигэр дьүүллэһилиннилэр. Бу туһунан www.sakha.gov.ru саайта иһитиннэрэр.
2025 сыллаахха чэпчэтиилээх категорияҕа киирэр гражданнары эминэн хааччыйыы улахан ыарахаттары көрүстэ. Сааҥсыйалар дойду фармацевтическай ырыынагар элбэх наадалаах эмтэр тиийбэт буолууларыгар тиэртилэр.
«Олоххо наадалаах эмтэринэн чэпчэтиилээх хааччыйыыга үбүлээһини улаатыннарабыт. Быйылгы сылга уопсай кээмэйэ 4 млрд 696 мөл. солк. тэҥнэһэр, онтон 3 млрд 830 мөл. солкуобай өрөспүүбүлүкэ бүддьүөтүттэн көрүлүннэ — бу 2025 сыллааҕар 1,2 млрд солкуобайынан элбэх», – диэтэ Айсен Николаев.
Санатан эттэххэ, Ил Дархан сорудаҕынан эминэн-томунан тохтоло суох хааччыйар туһуттан үбүлээһини биллэ улаатыннарыы көрүлүннэ. Ону таһынан, эмтэри атыылаһыы көдьүүһүн үрдэтэргэ атыылаһыыны кииннээһин ньымата киллэриллэр. Бу информация аһаҕас уонна дьэҥкэ буолуутун, ону таһынан атыылаһыы тиһигэ биир кэлим буолуутун хааччыйыаҕа. Ол түмүгэр бүддьүөт үбүн-харчытын табыгастаахтык туһаныыга уонна чэпчэтиилээх категорияҕа киирэр нэһилиэнньэҕэ эмп-том тиийимтиэтин тупсарыыга тиэрдиэҕэ.
Дьокуускайдааҕы өрөспүүбүлүкэтээҕи онкологическай диспансер кылаабынай бырааһа Татьяна Николаева онкология хайысхатынан наадалаах препараттар баалларын, былаан быһыытынан кэлэ туралларын дакылааттаата.
«Сахафармация» АУо салайааччыта Эдуард Рехлясов сүрүн болҕомто эмтэри атыылаһыыны сабаҕалыырга уонна тупсарарга ырытар ньымалары туһаныыга уурулларын, бу ресурсалары ордук көдьүүстээхтик тыырарга уонна ыарыаһахтары наадалаах эмтэринэн хааччыйарга кыах биэрэрин бэлиэтээтэ.
«Ырытыы систиэмэтэ киллэрилиннэ, ол нөҥүө гражданнар хаһан уонна ханнык препараттары атыылаһалларын кэтиэххэ сөп. Холобур, тохсунньуга хроническай ыарыылары, ол курдук саахарынай диабеты эмтииргэ аналлаах препараттары атыылаһыы муҥутуур чыпчаала бэлиэтэнэр. Бу систиэмэ сыл араас кэмигэр эмп-том наадатын сабаҕалыырга көмөлөһөр, онон атыылаһыыны ордук көдьүүстээхтик былаанныырга, дэписсиити уонна үп-харчы аһары ороскуотурарын суох оҥорорго кыах бэриллэр», – диэтэ Эдуард Рехлясов. Саха сиригэр 2025 сыллаахха чэпчэтиилээх эминэн хааччыйыы бырагырааманан 198 005 киһи хабылынна.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…