Саха сиригэр эрэгийиэннээҕи таһымнаах ыксаллаах быһыы-майгы биллэриллиэн сөп

Саха сиригэр өрүстэр эрдэ, 4-6 хонук иннинэ, эстэллэрэ сабаҕаланар. Муус халыҥын таһымын уонна хаар саппааһын учуоттаан эрэгийиэннээҕи таһымнаах ыксаллаах быһыы-майгы биллэриллэрэ сабаҕаланар. Бу туһунан Арассыыйа ЫБММ Саха сиринээҕи кылаабынай управлениетын начаалынньыга Павел Гарин иһитиннэрдэ.

«Ленскэй, Өлүөхүмэ, Хаҥалас улуустарга, Дьокуускай куоракка, Нам уонна Кэбээйи оройуоннарыгар муус харыыта тахсыан сөп. Ону кытта Алдан, Амма уонна Халыма өрүстэригэр Уус Маайа, Амма, Үөһээ Бүлүү уонна Орто Халыма улуустарыгар. Муҥутуур уу таһыма 1,0-2,0 м көрдөрүүлэри аһаран, кытыы сытар нэһилиэнньэлээх пууннары халаан уута ылар кутталы үөскэтэр. Муус харыыта ыам ыйыгар чопчу гидрометеорологическай усулуобуйатыттан тутулуктанар», — диэн кэпсээтэ Павел Гарин.

Кыһалҕалаах учаастактарынан Өлүөхүмэттэн 6 км тэйиччи Өлүөнэ өрүс алын тардыытынан уонна чугастааҕы олорор дьиэлэртэн 700 миэтэрэ тэйиччиттэн сабаҕаланар. «Бу учаастактарга муус харыыта тахсан, халаан уутун таһыма үрдээһинэ күүтүллэр,- диир Павел Гарин.

Саха сирин 138 нэһилиэнньэлээх пуунун халаан уута ылар зонатыгар киирэллэр, онтон 126 нэһилиэнньэлээх пууна чинчийиллэн, реестиргэ киллэриллибиттэрэ.