Хаартыска: sakha.gov.ru
Ыам ыйын 20 күнүттэн Саха сиригэр эрэгийиэннээҕи ыксаллаах быһыы-майгы эрэсиимэ биллэрилиннэ. Бүгүн Ил Дархан Айсен Николаев туһааннаах Ыйаахха илии баттаата.
«Ыксаллаах быһыы-майгы» эрэсиимэ Саха сиринээҕи территориальнай ситэриилээх былаас уорганнарыгар уонна ыксаллаах быһыыны-майгыны туоратыыга туһуламмыт тэрилтэлэргэ ананар.
Саха сиринээҕи бырабыыталыстыбаҕа нэһилиэнньэлээх пууннары уонна экэниэмикэ эбийиэктэрин чөлүгэр түһэриигэ, нэһилиэнньэ олоҕун-дьаһаҕын хааччыйыыга уонна эмсэҕэлээбиттэргэ социальнай, материальнай көмөнү оҥорууга дьаһаллары ылынарга сорудахтанна.
Ыксаллаах быһыыны-майгыны туоратыыга үлэ салайааччытынан СӨ Бырабыыталыстыбатын бэрэссэдээтэлин бастакы солбуйааччы, ыксаллаах быһыыны- майгыны сэрэтэр уонна баһаарынай куттал суох буолуутун хааччыйар хамыыһыйа бэрэссэдээтэлин бастакы солбуйааччы Дмитрий Садовников ананна.
Ыйааҕы кытта бу сигэнэн билсиэххэ сөп.
СӨ Ил Дарханын уонна Бырабыыталыстыбатын пресс-сулууспата
Тимир болгуону уһаарар түһүлгэлэригэр дьахталлары киллэрбэттэр эбит. Онон саха тимир уустара тимир болгуону уһааран таһаарар…
Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир…
От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. …
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ. Дьааҥы улууһун…
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …