Бу күннэргэ өрөспүүбүлүкэҕэ исписэлиистэр хонтуруолларынан күһүҥҥү өртөөһүн саҕаланна.
Бу үлэ күһүн тымныы эрдэҕинэ ойуур баһаарын бохсор инниттэн ыытыллар. Хонтуруолланар өртөөһүн эһиил от үүнүүтүгэр көмөлөһүөҕэ. Хаппыт оту уоттааһыҥҥа Экология, айылҕаны туһаныы уонна ойуур хаһаайыстыбатын министиэристибэтэ эппиэттээх. Өртөөһүнү «Якутлесресурс» анал үөрэхтээх исписэлиистэрэ ыыталлар. Кинилэр сайыҥҥы кэмҥэ ойуур баһаарыгар сылдьар буолан, анал быраабылаҕа олоҕуран хагдарыйбыт оту уоттууллар. Исписэлиистэр үлэни саҕаланыаҕыттан бүтүөҕэр диэри хонтуруоллаан ыыталлар.
Өртөөһүнү балаҕан ыйын 29 күнүгэр Хаҥалас улууһуттан саҕалаатылар. «Бааһыннаах» диэн сиргэ 300 га сири өртөтүлэр. «Якутлесресурс» тэрилтэ үлэһиттэрэ бүтэһик кыым умуллуор диэри кэтээтилэр.
Хаар түһүөр диэри өртөөһүнү өрөспүүбүлүкэ өссө 16 ойуур хаһаайыстыбатын тэрилтэтигэр ыытыахтара. Ол курдук, өртөөһүҥҥэ Амма, Үөһээ Бүлүү, Дьааҥы, Бүлүү, Горнай, Өймөкөөн, Нам, Ньурба, Өлүөхүмэ, Кэбээйи, Сунтаар, Таатта, Уус Алдан, Уус Маайа, Хаҥалас, Чурапчы улуустара хабыллыахтара. Лесничестволарга ыытыллар хаппыт оту уоттааһын иэнэ 300-600 га. Уопсайа өрөспүүбүлүкэҕэ – 6,6 тыһыынча га.
Өртөөһүн дойдуга 2015 сылтан бобуулаах. Онон исписэлиистэр күһүн тымныы уонна сииктээх, ардахтаах кэмҥэ тус бэйэлэрэ хонтуруоллаан ыыталлар.
Бу туһунан СӨ Аҕа баһылыгын уонна Бырабыыталыстыбатын пресс-сулууспата иһитиннэрдэ.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…