Хаартыска: www.sakha.gov.ru
Быйыл Саха сиригэр өрүстэр болдьоҕун иннинэ эрдэ эстэр, эрэгийиэн таһымнаах ыксаллаах быһыы-майгы биллэриллэр куттала баар диэн сабаҕалыыллар. Бу туһунан СӨ ЫБММ кылаабынай управлениетын начаалынньыга Павел Гарин иһитиннэрэр.
Кини этэринэн, муус ордук Ленскэй, Өлүөхүмэ, Хаҥалас улуустарынан, ону тэҥэ, Дьокуускай аннынан, Нам уонна Кэбээйи улуустарынан харыан сөп. Ону таһынан, харыы Уус Маайа, Амма, Үөһээ Халыма, Орто Халыма улуустарынан Алдан, Амма, Халыма өрүстэргэ тахсыан сөп.
“Уу муҥутаан үрдээбит таһыма 1,0-2,0 м. үөһэ бэлиэтэниэн уонна кутталлаах бэлиэ көрдөрүүтүн ааһыан, оччотугар намыһах турар биэрэк кытыытынааҕы нэһилиэнньэлээх пууннар ууга барыахтарын сөп. Муус харыыта ыам ыйынааҕы чопчу гидрометеорологическай усулуобуйанан быһаарыаллыаҕын бэлиэтиир суолталаах” – диэн Павел Гарин иһитиннэрдэ.
Сааскы халаан уонна ардах уутугар барар кутталлаах зонаҕа 138 нэһилиэнньэлээх пуун киирсэр, итинтэн 126 номнуо чинчийбиттэр, испииһэккэ киллэрбиттэр. Харыы Саха сирин өрүстэрин 58 кутталлаах учаастагар тахсыан сөп.
“Халаан уутугар бэлэмнэнии сылы эргиччи барар. Бу былааннаах үлэ. Кэлиҥҥи сылларга өрүстэр эрдэ эстиилэриттэн аттаран, тэрээһини үс түһүмэҕинэн ыытар былааннанар. Бастакы түһүмэххэ – ыам ыйын саҥатыттан ортотугар диэри – 15 улуус Өлүөнэ, Алдан, Амма, Таатта өрүстэригэр сааскы халааны аһарыыны хааччыйыы буолар. Ыам ыйын ортотуттан бэс ыйын саҥатыгар диэри алта улуус Халыма, Дьааҥы, Индигииркэ өрүстэргэ иккис түһүмэх барар. Түмүктүүр түһүмэх – уон улууска өрөспүүбүлүкэ өрүстэрэ ардах уутуттан халааннааһыннарын сайыҥҥы-сааскы түһүмэҕэ” – диэн Гарин бэлиэтиир.
Өрүс барыытын туругун кэтээһиҥҥэ 204 гидропост уонна 7 пилота суох көтөр авиационнай систиэмэ үлэлиэҕэ. Спутниковай кэтээн көрүү тэриллиэҕэ, Дьокуускайга кэтээн көрүү мобильнай комплекса үлэлиир.
Ууга барар кутталлаах сиртэн суһаллык дьону көһөрөр ирдэнэр түгэнигэр барыта 28 тыһ. киһи батар 293 быстах кэмнээх пуун аһыллыаҕа.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…