Саха сиригэр өссө 31 «земскэй учууталы» тыа сиригэр ыытарга үп көрүллүө
Саха сиригэр «Земскэй учуутал» бырагырааманан 31 саҥа педагогу тыа сиригэр ыытарга үп көрүллүөҕэ. Бу туһунан СӨ Үөрэҕин уонна билимин миниистирэ Нюргуна Афанасьева Судаарыстыбаннай Дуумаҕа 2026-2028 сылларга федеральнай бүддьүөт ылыллыытын туһунан кэпсииригэр иһитиннэрдэ.
Кини этэринэн, докумуоҥҥа үөрэхтээһин иннигэр судаарыстыба сүрүн социальнай эбэһээтэлистибэтэ барыта оннунан хаалбыт.
«Саха сиригэр сүрүн бырагыраамалары үбүлээһин салҕаныа: 2,9 миллиард солкуобайтан тахса үп кылаас салайааччыларын өйөөһүҥҥэ, 1-4 кылаас үөрэнээччилэригэр итии аһылыкка, 480 мөлүйүөн тахса солкуобай дириэктэрдэр сүбэһиттэрин үлэлэригэр ыытыллыа. «Земскэй учуутал» бырагырааманан 31 педагогу өрөспүүбүлүкэ оскуолаларыгар ыытыыга туһуланыа. Үөрэх процеһын хааччыйыы эмиэ биир ураты суолталаах: федеральнай үп-харчы көмөтүнэн 561 оскуолаҕа ойуулуур ускуустуба, муусука уонна физика кэбиниэттэрин хааччыйар кыахтаахпыт», — диэн миниистир бэлиэтээтэ. Сиһилии: https://www.sakha.gov.ru/news/15851
Сообщить об опечатке
Текст, который будет отправлен нашим редакторам: