Саха сиригэр өссө биир ойуур баһаара умуруорулунна

Ааспыт сууккаҕа өрөспүүбүлүкэ сиригэр-уотугар өссө биир ойуур баһаара умуруорулунна. Уот хаппыт уопсай иэнэ 1 379 га. 

Сарсыардааҥҥы иһитиннэриинэн уопсайа 27 392 га иэннээх сиргэ 10 ойуур баһаара баара бэлиэтэнэр.

Ойуур баһаарын умуруорууга 300 киһи уонна 4 тиэхиньикэ үлэлиир. Авиацияны туһанары уонна салгын аалынан ботурууллааһыны былаанныыллар.

Баһаары утары ураты эрэсиим  Абый, Үөһээ Халыма, Өймөкөөн, Өлүөхүмэ, Ортго Халыма оройуоннарын сиригэр-уотугар салҕанар.

Муниципальнай таһымнаах ыксаллаах балаһыанньа Үөһээ Халымаҕа уонна Өлүөхүмэ оройуоннарыгар салҕанар.

СӨ Ил Дарханын уонна Бырабыыталыстыбатын пресс-сулууспата