Саха сиригэр өссө биир ойуур баһаара умуруорулунна

Ааспыт сууккаҕа Өлүөхүмэ улууһугар баар  4 га иэннээх биир ойуур баһаара умуруорулунна. Бу туһунан  экология, айылҕаны туһаныы уонна ойуур хаһаайыстыбатын миниистирин солбуйааччы  Андрей Коноплёв иһитиннэрдэ.

Атырдьах ыйын  21 күнүнээҕи туругунан, өрөспүүбүлүкэҕэ уопсайа  2 211 га иэннээх 10 ойуур баһаара баар.

Үөһээ Дьааҥы, Бүлүү, Кэбээйи, Ленскэй, Мииринэй уонна Өлүөхүмэ улуустарыгар умайыы баар. Мантан  684 га иэннээх үс баһаар бохсулунна.

Баһаары умуруорууга түөрт техника уонна  437 киһи үлэлиир.

Тэҥнэбилгэ көрдөххө, ааспыт сылга туһааннаах даатаҕа  357 749,8 га иэннээх  68 ойуур баһаара баара.