Хаартыска: sakha.gov.ru
Саха сиригэр бүгүн 59,5 тыһыынча га иэннээх сиргэ 19 ойуур баһаара умуруорулунна. Бу кэмҥэ 5 гектар иэннээх сиргэ өссө биир саҥа уот турбута билиннэ. Бу туһунан тыаны уоттан харыстыыр суһал ыстаап мунньаҕар иһитиннэрдилэр.
Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев этэринэн, Саха сиригэр барыта 132 ойуур баһаара турбута биллэр. Мантан 37 тыһыынча га иэннээх сиргэ 9 ойуур баһаара бохсулунна, ол иһигэр Өлүөхүмэ заповеднигар.
Баһаары умуруорууга 1708 киһи үлэлиир уонна 131 тиэхиньикэ туһанылынна. Авиация үлэлиир. Авиапатрульга 14 суудуна, уоту умуруорууга 10-тан суудуна үлэлээтэ. «Полярные авиалинии» АХ Ан- 26 «Атмосфера» зондировщик-сөмөлүөтэ Үөһээ Дьааҥыга, Усуйаанаҕа уонна Абыйга туһаныллыбыта.
Ордук уустук быһыы-майгы Абый, Үөһээ Бүлүү уонна Өлүөхүмэ оройуоннарыгар бэлиэтэнэр — ойуур баһаардара нэһилиэнньэлээх пууннартан чугас бааллар. Ыытыллар үлэлэр көмөлөрүнэн уот тарҕаныыта тохтотулунна.
Абый улууһугар 50 баһаарынай уонна быыһааччы ыытылынна. Бөлөхтөргө арахсан, Белай Гора уонна Киэҥ Күөл нэһилиэктэригэр чугас ойуур баһаардарын умуруоруохтара. Үлэни СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистирэ Дмитрий Лепчиков салайар.
Үөһээ Бүлүү улууһугар 8 ойуур баһаарын бохсоллор, манта 5-һэ бөһүөлэктэргэ чугаһаабыт. Улуус баһылыга Валерий Николаев иһитиннэриитинэн, сорох баһаары умуруорууга күүс тиийбэт, итинэн сибээстээн Уус Маайа улууһуттан ойуур баһаарын бохсууга үлэлээбит 50 Тюмень парашютистарын уонна десантниктарын ыытарга быһаарыы ылылынна.
Өлүөхүмэ улууһугар 23 ойуур баһаарын салгыы умуруораллар, мантан ааспыт сууккаҕа түспүт ардах кэнниттэн тохтуура күүтэллэр. Миэстэтигэр оройуон баһылыга Николай Харбин эппитинэн, 500-тэн тахса киһи үлэлии хаалла.
Санатан эттэххэ, Саха сиригэр сарсыарда 150 ойуур баһаара уонна 3 ландшафтнай уот турбута биллибитэ. Саха сиригэр эрэгийиэннээҕи уонна федеральнай таһымнаах ЫБМ эрэсиимэ салгыы үлэлиир. Олохтоох таһымыгар ЫБМ эрэсиимэ Үөһээ Дьааҥы, Бүлүү, Үөһээ Бүлүү, Ленскэй, Уус Маайа, Өлүөхүмэ оройуоннарыгар биллэриллибитэ.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…