Ил Дархан, бырабыыталыстыба пресс-сулууспата.
Саха сиригэр саамай улахан ойуур баһаарын Томпо оройуонугар умуруордулар. Бу иэнэ – 112 тыһ. гектар. Уоту умуруорууга ойууру баһаартан харыстааһын 80 үлэһитэ кытынна. Ойуур баһаардарын килиимэттэн тутулугун уонна бу нэдиэлэҕэ федеральнай таһымнаах ЫБМ эрэсиимин киллэрии туһунан РНА Сибиирдээҕи салаатын В.Н.Сукачев аатынан Ойуур институтун ыстаарсай научнай сотруднигын Евгений Пономареву кытта Ленскэй кулууп сэһэргэстэ.
Томпо оройуонугар сэрэдэҕэ бохсуллубут баһаары бэс ыйын 8 күнүгэр булбуттара. Уот уустук суоллаах-иистээх сиргэ турбута, өссө умуруорууга чугаһынан уу суоҕа. Быыһааччылар олох бэйэлэрин күүстэринэн умуруордулар. Экология министиэристибэтин чинчийиитигэр олоҕуран эттэххэ, баһаар төрүөтүнэн этиҥ буолла.
“Арааһа, эрэгийиэн үрдүнэн килиимэт айылҕаҕа ыксаллаах быһыы-майгы куруук тахсыытыгар сабыдыаллыыһы быһыылаах. Кураантан сылтаан куйаас сайын элбэхтик чаҕылҕан охсуута бэлиэтэнэр. Ол ойуурга уот туруутугар тириэрдэр. Саха сирин сиригэр-уотугар ойуурга маассабайдык уот туруута этиҥтэн эмиэ тутулуктаах”, — диир Евгений Пономарев.
От ыйын 3 күнүнээҕи туругунан, нэһилиэнньэлээх пууннартан 15 килэмиэтир иһинэн ойуур 11 баһаара бэлиэтэнэр. Итинтэн үһүн умуруордулар. 1500 киһи уонна 80 тиэхиньикэ үлэлээтилэр.
«Федеральнай көрүҥнээх ЫБМ эрэсиимин биллэрии баһаары киһи кыайбат балаһыанньатыгар тиэрдиэ суоҕа. Бу эрэсиим инфраструктура, бырамыысыланнас эбийиэктэригэр, нэһилиэнньэлээх пууннарга баһаар кутталы үөскэтэр гына сытыырхайыытыгар бастакы уочарат тута умуруорууга бары күүһү туһанар кыаҕы биэриэҕэ. Эрэгийиэҥҥэ билиҥҥи балаһыанньаҕа кутталлаах быһыыны таһаарбат туһугар сөптөөх стратегиянан уонна тактиканан буолар”, — диир Ленскэй кулуупка сэһэргэһээччибит.
Федеральнай көрүҥнээх ЫБМ эрэсиимин олохтооһун Арассыыйа Бырабыыталыстыбата эрэгийиэҥҥэ тустаах балаһыанньаҕа уурбут үрдүк эппиэтинэһин уонна болҕомтотун туоһулуур диэн түмүктээтэ бэйэтин санаатын эспиэр.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…