Саха сиригэр физическай култуураҕа оскуола үөрэнээччилэрин Бүтүн Арассыыйатааҕы Олимпиадатын финала ыытыллыаҕа

Саха сирэ Физическай култуураҕа үөрэнээччилэрин Бүтүн Арассыыйатааҕы Олимпиада түмүктүүр түһүмэҕэр кыттыаҕа.

Тэрээһин 2025 сыл муус устар 12-18 күннэригэр ыытыллыа. Бу туһунан Ил Дархан Айсен Николаев ТГ-ханаалыгар иһитиннэрдэ.

«Бу улахан уонна суолталаах спортсменнарга анаммыт куонкурус сыл ахсын дойду араас муннуктарыттан үөрэнээччилэри түмэр. Оттон 2025 сыл муус устар ыйыгар кинилэр Саха сиригэр күөн көрсүөхтэрэ! РФ Үөрэҕириигэ министиэристибэтин бирикээһэ таҕыста, биһиги эдэр талааннары көрсөргө бэлэммит», — диэн Айсен Николаев суруйар. Кини Саха сиригэр Олимпиаданы үрдүк таһымҥа ыытарга сөптөөх усулуобуйаны тэрийэргэ бэлэмин бэлиэтээтэ. «Үлэ билигин саҕаланна. Үөрэнээччилэр Бүтүн Арассыыйатаҕы Олимпиадатыгар көрсүөххэ диэри!» — диэн Ил Дархан бэлиэтээтэ.