"Тыгын Дархан" пресс-сулууспата
ЕмПовар идэтэ маастарыстыбаны эрэ буолбакка, айар ньыманы, талааны, аһы-үөлү астыыр уопуту, бордууктаны талыыга дириҥ билиини эрэйэр. Чуолаан, ол иһин үүнэр көлүөнэҕэ исписэлиистэри профориентация уонна эрдэ бэлэмнээһин эйгэҕэ ситиһии сүрүн төрдүнэн буолаллар.
Саха сиригэр оҕолору гастрономическай ускуустуба сайдыытыгар сыһыарыы ураты болҕомто ууруллар. Маннык үлэ биир чаҕылхай холобурунан Уһун Күөлгэ Чурапчы уулуһун үөрэх управлениета уонна «Сулусчаан» оҕо уһуйаана тэрийбит «Саха сатабыл» чөмпүйэнээтигэр оҕолор уонна төрөппүттэр кытыннылар, диэн «Тыгын Дархан» ресторан пресс-сулууспата суруйар.
Күрэхтэһиигэ Чурапчы оройуонун 16 оскуола иннинээҕи үөрэх тэрилтэлэрин бэрэстэбиитэллэрэ 32 хамаанданан кытыннылар. Чөмпүйэнээккэ ас-үөл эйгэтигэр оҕолор айар дьоҕурдарын көрдөрдүлэр, ону тэҥэ хамаанданан үлэни сайыннарар кыаҕы биллилэр. «Повар дьыалата» дьарык чэрчитинэн оҕолор дьүүллүүр сүбэни сөхтөрбүт креативнай киэргэтиилээх оригинальнай десертери оҥордулар.
«Тыгын Дархан» ресторан бренд-шеф повара Николай Атласов эспиэрт быһыытынан кыттааччылары бэлэмнээхтэрин уонна кыайыыга дьулуурдарын үрдүктүк сыаналаата. «Маннык тэрээһиннэр гастрономическай ускуустуба сайдыытыгар сүрүн оруолу ылар. Оҕолор кыахтарын арыйар, дьоһуннаах уопуту ылалларыгар көмөлөһөр. Биһиги маннык көҕүлээһиннэри өйүүбүт. Бу барыта саха норуотун култуурунай нэһилиэстибэтин салгыы сайыннарарга көмөлөһөр», — диэн кини бэлиэтээн эттэ.
«Саха сатабыл» чөмпүйэнээт оҕону бары өттүнэн сайыннарыыга уонна национальнай култуураны киэ эйгэҕэ тарҕатыыга туһуламмыт үөрэх тэрилтэлэрин уонна биисиниэс икки ардыларыгар бииргэ үлэлээһиҥҥэ дьоһун тэрээһининэн буолла.
Кыра оҕолордоох ийэлэр оҕо түүн уһуктарыттан сылтаан, ууларын хамматтар, онтон сылтаан доруобуйалара да эмсэҕэлиэн сөп.…
«Көмүс күһүн» Бүтүн Арассыыйатааҕы агробырамыысыланнай быыстапкаҕа түмүктэри таһаарыы бастакы күнүгэр Арассыыйа Наукаларын академиятын Сибиирдээҕи салаатын…
Япония Осака куоратыгар ЭКСПО Аан дойдутааҕы быыстапката түмүктэнэн эрэр. Алта ый устата 158 дойду ситиһиитин…
Ил Түмэн дьокутаата Антонина Григорьева Ил Түмэҥҥэ Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас…
Саха эстрадатын биир биллэр-көстөр ырыаһыта Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта. Билигин Дьокуускайга…
Саха сириттэн Айтал Коркин «Гордость нации – 2025» бириэмийэ эрэгийиэннэр икки ардыларынааҕы түһүмэҕин «Судаарыстыбаннай национальнай…