Кононов түһэриитэ
РФ 2025-2027 сыллардааҕы үс сыллаах бүддьүөтүн бырайыагар Саха сиригэр геология чинчийиилэригэр 18 млрд солкуобайы (26 кэскиллээх эбийиэк) ыытарга торумнууллар.
Бу туһунан өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Дьулустан Борисов Ил Түмэҥҥэ парламентскай истиилэр кэмнэригэр иһитиннэрдэ.
Маннык суума эрэгийиэҥҥэ “Геология: возрождение легенды” федеральнай бырайыак чэрчитинэн минеральнай-сырьевой баазаны тэтимнээхтик үүннэриигэ Саха сирэ пилотнай эрэгийиэн статуһун ылбытынан көрүлүннэ. Бу Саха сирин Ил Дарханын Айсен Николаев көҕүлээһинин Арассыыйа Бэрэсидьиэнэ Владимир Путин өйөөбүтэ.
Бүгүн Саха сирин сирин-уотун 24 бырыһыана геологическай өттүнэн үөрэтилиннэ. Сир баайдаах сири үөрэтии намыһах таһымыгар бу үлэлэри саҕалааһыҥҥа ситэ үбүлэммэтэ, эрэгийиэннээҕи уонна көрдүүр үлэлэр икки ардыларыгар араастаһыы сабыдыаллаабыт, ити түмүгэр кэскиллээх сири-уоту бэлэмнээһин ыытыллыбат.
“Сыллата геологическай-чинчийэр үлэлэри үбүлээһин 50 млрд солк. тэҥнэһэр, ол иһигэр 46 млрд солкуобайы сир баайын туһанааччылар бэйэлэрин үптэринэн хааччыйаллар. Итилэртэн19 млрд солк. – кытаанах туһалаах баайдарга, 27 млрд солк. – углеводороднай сырьеҕа. 4 млрд солк. кэриҥин федеральнай бүддьүөт биэрбит, 100 мөл солк. – эрэгийиэн”, — диэтэ Дьулустан Борисов.
Кини этэринэн, 2023 сыл түмүгүнэн хостуур тэрилтэлэр Саха сирин бүддьүөтүгэр 145 млрд солкуобай нолуогу киллэрбиттэр, ол судаарыстыбаннай бүддьүөт нолуокка уонна нолуога суох дохуоттарын 55,2 % тэҥнэһэр
Бүгүн Саха сиригэр 1 498 хостооһуҥҥа лиссиэнсийэ баар, ол иһигэр 539 – федеральнай учаастактарынан туһалаах баайдары чинчийиигэ уонна хостооһуҥҥа, 959 – олохтоох суолталаах баайдаах сири чинчийиигэ уонна хостооһуҥҥа, ону тэҥэ 329 сэлии фаунатын хомуйууга.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Василий Кононов, Ил Түмэн
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…