Саха сиригэр гонконг гириибэ тарҕанан эрэр

СӨ Роспотребнадзора иһитиннэрэринэн, бу сыл 53 нэдиэлэтин бүтүүтэ суһал кэтээн көрүү түмүгүнэн, өрөспүүбүлүкэҕэ барыта 8 тыһ. тахса киһи ОРВИнан ыалдьыбыта бэлиэтэммит. Ити, ол иннинээҕи нэдиэлэтээҕэр 17,6% үрдүк.

Лабаратыарыйа бигэргэтиитинэн, ааспыт нэдиэлэҕэ тарҕаммыт вирустар ортолоругар гонгонг гириибэ (А (Н3N2) баара бэлиэтэммит. Сүрүннээн дьон негриппознай вирустарынан (парагрипп, аденовирус, риновирус, RC-вирус, метапневмовирусы, бокавирус, сезоннай коронавирус,  COVID-19 ) ыалдьыбыттара биллибит.

Күн бүгүн нэһилиэнньэҕэ гириип утары быһыыны туруоруу салҕанар. Ааспыт нэдиэлэ бүтүүтүнээҕи чахчынан барыта 333 тыһ. киһи быһыыны ылбыт, ол иһигэр 154 тыһ. тахса оҕо, 179 тыһ. тахса улахан киһи.

Бу туһунан Роспотребнадзор саайтыгар иһитиннэрэллэр.