Саха сиригэр гонконгнааҕы тумуунан сутуллуу элбиир

Саха сиригэр ОРВИ уонна тумуу эпидемическай көрдөрүүтэ — 179,7%. Вирустарга гонконгнааҕы тумуу А(H3N2) уонна парагрипп баһыйар ахсааны ылар. Бу туһунан ЯСИА-ҕа эрэгийиэн доруобуйаҕа харыстабылын министиэристибэтэ иһитиннэрдэ.

48 нэдиэлэҕэ 20 116 ОРВИ уонна тумуу ыарыыта бэлиэтэннэ. Онтон 57%-на Дьокуускайга уонна куорат кытыытынааҕы нэһилиэнньэлээх пууннарга баар.

«Билигин А(H3N2) сезон вируһа буолар, ити эрээри тумууну утары вакцинация таһыма кыратыттан түргэнник көбөн тахсыан уонна эпидемия буолуон сөп», — диэтилэр министиэристибэҕэ.